Mercury Retrograde: ધનમાં બુધ ચાલશે વક્રી ચાલ, જાન્યુઆરીમાં 5 રાશિઓની આર્થિક સ્થિતિ નબળી થશે

બુધની વક્રી ચાલથી તમારી પ્રોફેશનલ લાઈફ ધીમી પડી શકે છે અને ખર્ચમાં વધારો થશે. જેના કારણે આવક અને ખર્ચ વચ્ચે સંતુલન જાળવવામાં તકલીફ પડી શકે છે. જો તમે નોકરી બદલવા અંગે વિચારી રહ્યા હો તો હજી રાહ જોવાની જરૂર છે. જે લોકો વેપાર કરી રહ્યા છે તેમને પ્રતિદ્ધંદ્ધીઓ તરફથી મોટા પડકારનો સામનો કરવો પડી શકે છે. વર્ષના પહેલા મહિને કોઈ એવો ખર્ચ આવી શકે છે જેને ટાળવો મુશ્કેલ છે. સ્વાસ્થ્યની વાત કરીએ તો અનિંદ્રાની સમસ્યા રહી શકે છે. માનસિક તણાવ વધી શકે છે. ઉપાય તરીકે રવિવારે જરૂરિયાતમંદોને ભોજન કરાવો.

બુધ વક્રી થતાં વર્ષની શરૂઆતમાં જ જીવનમાં ખાસ્સી ઉથલપાથલ સર્જાઈ શકે છે. આર્થિક સમસ્યા નડી શકે છે. ઓફિસમાં કામનો માહોલ પણ અનુરૂપ નહીં રહે અને સહકર્મીઓ સાથે વિવાદ થઈ શકે છે. પ્રમોશનની અપેક્ષા રાખી હોય તો ઇંતેજાર લાંબો થઈ શકે છે. લવ લાઈફ અને પારિવારિક સંબંધોમાં પરસ્પર સમજણના અભાવને લીધે તકલીફ વેઠવી પડી શકે છે. આર્થિક સ્થિતિ નબળી રહેશે અને રૂપિયાની તંગીનો સામનો કરવો પડી શકે છે. ઉપાય તરીકે બુધવારે ગાયને પાલક ખવડાવો.

બુધ વક્રી થઈને તમારા પાંચમા ભાવમાં ગોચર કરશે જે પ્રેમ, શિક્ષણ અને સંતાન સાથે સંબંધ ધરાવે છે. આના પ્રભાવથી તમારા પર કામનું દબાણ વધી શકે છે અને માનસિક રૂપથી પરેશાન રહી શકો છો. ખર્ચ વધારે થશે અને પરિવાર સાથેના સંબંધોમાં પણ ખટાશ આવી શકે છે. કોઈ નવું કામ હાલ હાથમાં ના લેવું અને યાત્રા પણ ટાળવી. જો તમે વેપારી હો તો આ સમયગાળામાં નફો ઘટી શકે છે. સ્વાસ્થ્ય નાજુક રહેશે. સંબંધમાં પરસ્પર સમજૂતીની કમી આવી શકે છે અને તેના કારણે સમસ્યા વધી શકે છે. પરિવારના લોકો પાછળ ધન ખર્ચ થઈ શકે છે. ઉપાય તરીકે દર બુધવારે ઓમ બુધાય નમઃ મંત્રનો જાપ કરવો.

વૃશ્ચિક રાશિના જાતકો પર બુધ વક્રી થવાનો અશુભ પ્રભાવ રહેશે. તમારા ખર્ચ વધશે અને સંતાનના કારણે તકલીફ થઈ શકે છે. પ્રોફેશનલ લાઈફમાં નિરાશા રહી શકે છે. તમે જે અપેક્ષા રાખીને બેઠા હો તેના પર ઠંડું પાણી ફરી વળી શકે છે. બિઝનેસમાં પડકારો આવી શકે છે. જીવનસાથી સાથે કોઈને કોઈ વાતે તકરાર થઈ શકે છે. સ્વાસ્થ્યની વાત કરીએ તો આંખોની ખાસ કાળજી લેવી. રૂપિયા સાચવીને વાપરવા અને કિંમતી વસ્તુઓનું પણ ધ્યાન રાખવું. ઉપાય તરીકે દર બુધવારે કન્યાઓને મીઠાઈ ખવડાવવી.

ધન રાશિમાં વક્રી ચાલથી બુધનો પ્રવેશ થતાં તમારા 12મા ભાવમાં ગોચર કરશે. આ ભાવ વ્યય અને હાનિનો માનવામાં આવે છે. પ્રોફેશનલ લાઈફની વાત કરીએ તો તમારે મુશ્કેલીઓનો સામનો કરવો પડી શકે છે. સહકર્મીઓ તેમજ વરિષ્ઠજનો સાથે બોલાચાલી થઈ શકે છે. તમારી મહેનતને ઓછી આંકવામાં આવી શકે છે. વેપારમાં મરજી પ્રમાણેનો લાભ ના થતાં નિરાશા ઘેરી શકે છે. જીવનસાથી સાથે કોઈ વાતે ઝઘડો થઈ શકે છે. પરિવાર સાથેના સંબંધો બગડશે. તણાવ વધી શકે છે. જેની સીધી અસર સ્વાસ્થ્ય પર દેખાશે.