Planetary Changes in February 2023: ફેબ્રુઆરીમાં રાશિ બદલશે ચાર ગ્રહો, 5 રાશિઓના જાતકોને ચોમેરથી લાભ થશે

ફેબ્રુઆરી મહિનામાં કેટલાય મોટા ગ્રહોનું રાશિ પરિવર્તન થવા જઈ રહ્યું છે. આ મહિને સૌથી પહેલા સૂર્ય પછી બુધ, શુક્ર અને અંતે નેપ્ચ્યૂન ગ્રહ રાશિ પરિવર્તન કરશે. આ ચારેય ગ્રહોના રાશિ પરિવર્તનનો પ્રભાવ દેશ-દુનિયા, અર્થવ્યવસ્થા સહિત બારેય રાશિઓના જીવન પર જોવા મળશે. ફેબ્રુઆરી મહિનાની શરૂઆતમાં ગ્રહોના રાજકુમાર બુધ રાશિ બદલશે. 7 ફેબ્રુઆરીએ મકર રાશિમાં બુધનો પ્રવેશ થશે. અહીં સૂર્ય પહેલાથી હાજર હોવાથી બુધાદિત્ય યોગનું નિર્માણ થશે. જે બાદ 27 ફેબ્રુઆરીએ મકરમાંથી કુંભ રાશિમાં પ્રવેશ કરશે. અહીં શનિ અને સૂર્ય સાથે બુધનો ત્રિગ્રહી યોગ બનશે તેમજ ફરીથી બુધાદિત્ય યોગ રચાશે. 13 ફેબ્રુઆરીએ સૂર્ય શનિદેવની રાશિ કુંભમાં પ્રવેશ કરશે. 15 ફેબ્રુઆરીએ સૂર્ય શનિદેવની રાશિ કુંભમાં પ્રવેશ કરશે. 15 ફેબ્રુઆરીએ શુક્ર કુંભ રાશિમાં નીકળીને પોતાની ઉચ્ચ રાશિ મીનમાં ગોચર કરશે. 18 ફેબ્રુઆરીએ નેપ્ચ્યૂન મીનમાં પ્રવેશ કરશે. જ્યાં તેની મુલાકાત શુક્ર અને ગુરુ સાથે થશે. ગ્રહોના આ રાશિ પરિવર્તનથી ફેબ્રુઆરી મહિનો કેટલીય રાશિઓ માટે રોમેન્ટિક અને લાભપ્રદ રહેશે. જાણી લો કે, ફેબ્રુઆરી મહિનામાં કઈ-કઈ રાશિઓને ખૂબ જ લાભ થવાનો છે.