Mercury Transit in Sagittarius 2022: ધનમાં પ્રવેશ્યા ગ્રહોના રાજકુમાર બુધ, આ ક્ષેત્રના જાતકોને કરિયરમાં ફાયદો, રોકાણથી લાભ

બુધનું ધન રાશિમાં ગોચર થતાં ખૂબ હકારાત્મક પરિણામ મળશે. મેષ રાશિના જાતકોને પિતા અને નાના ભાઈ-બહેન તરફથી પ્રેમ મળશે. પિતાના સ્વાસ્થ્યની કાળજી લેવી. આર્થિક રૂપથી ગોચર તમારા માટે સારું પરિણામ લાવનારું બની રહેશે. વેપારીઓને સારા સોદા થઈ શકે છે. નોકરી કરનારા જાતકોને પણ સારી તક પ્રાપ્ત થઈ શકે છે. ઉપાય તરીકે રોજ તુલસીના છોડને જળ અર્પણ કરો અને તુલસીના એક પાનનું સેવન કરો.

બુધના ગોચરથી તમારા સ્વાસ્થ્ય પર નકારાત્મક અસર થતી દેખાઈ રહી છે. તમને ત્વચા સંબંધિત બીમારી થઈ શકે છે અને ઘરમાં પણ કોઈનું સ્વાસ્થ્ય બગડી શકે છે. આ દરમિયાન પાણીનું વધારે સેવન કરવું. ડિહાઈડ્રેશનની સમસ્યા થઈ શકે છે. કુટેવોથી દૂર રહેવું અને પોતાના કામ પર ધ્યાન કેંદ્રિત કરવું. કોઈ વાતે તમારા મનમાં ડર રહી શકે છે. આર્થિક મામલે કોઈ જોખમ ના લેવું અને રોકાણ ના કરવું. કાર્યક્ષેત્રે પોતાના સહકર્મીઓ સાથે વ્યવહાર સારો રાખવો. ઉપાય તરીકે કિન્નરોને લીલા રંગના કપડા દાન કરવા.

મિથુન રાશિના જાતકો માટે આ ગોચર શુભ પ્રભાવવાળું છે. આ રાશિના લોકોને વિવાહ સંબંધિત શુભ સમાચાર પ્રાપ્ત થઈ શકે છે. જે લોકો વેપાર કરે છે તેમને આગળ વધવાની સારી તક મળી શકે છે. બિઝનેસમાં કોઈ નવો પાર્ટનર મળી શકે છે. પોતાના સ્વાસ્થ્યની વિશેષ કાળજી લેવી. ખાવાપીવાનું ધ્યાન રાખવું. ઉપાય તરીકે બેડરૂમમાં રોજ તાજા ફૂલ મૂકવા.

કર્ક રાશિના જાતકો માટે બુધનું ગોચર પ્રતિકૂળ પ્રભાવ લઈને આવ્યું છે. કોઈ કારણે માનસિક તણાવ થઈ શકે છે. જેનાથી મન ઉદાસ રહેશે. બ્લડપ્રેશર સંબંધિત સમસ્યા થઈ શકે છે માટે સાવચેતી રાખવી. વિરોધીઓ સતર્ક થઈ શકે છે. તમને કોઈ નુકસાન પહોંચાડી શકે છે. કોઈની પાસે ઉધાર લેવાના હો તો તેમાં પણ સમસ્યા આવી શકે છે. સગા-સંબધીઓ સાથે તાલમેલ જાળવવો. કોઈ મહિલા મિત્ર કે સંબંધી સાથે વિવાદ થઈ શકે છે. ઉપાય તરીકે ગાયને લીલું ઘાસ ખવડાવો.

બુધનું ધન રાશિમાં ગોચર સિંહના જાતકો માટે ફાયદાકારક રહેશે અને દરેક મામલે સફળતા પ્રાપ્ત થઈ શકે છે. જે વિદ્યાર્થીઓ ઉચ્ચ અભ્યાસ માટે કોઈ મોટી સંસ્થામાં એડમિશન લેવા માગતા હોય તેમને કામની જાણકારી મળી શકે છે. જે લોકો ટીચિંગ અને માસ કોમ્યુનિકેશનના ક્ષેત્રે જોડાયેલા હોય તેમને સારા સમાચાર મળી શકે છે. ઉપાય તરીકે સરસ્વતી દેવીનું પૂજન કરવું. શુક્રવારે તાજા 5 લાલ ફૂલ ચડાવવા.

કન્યા રાશિના જાતકો માટે બુધનું ગોચર શુભ પ્રભાવવાળું સાબિત થશે. બુધના શુભ પ્રભાવના કારણે તમારી રાશિના લોકોને નોકરી સંબંધિત શુભ સમાચાર મળી શકે છે. આ દરમિયાન સોના-ચાંદી ખરીદી શકો છો. વાહન સુખની પ્રાપ્તિ થઈ શકે છે. સંતાનના અભ્યાસની ચિંતા રહી શકે છે. આ મામલે કોઈ મોટો નિર્ણય લેવો પડી શકે છે. ઉપાય તરીકે દર શુક્રવારે લક્ષ્મી માતાની પૂજા કરવી.

બુધનું ગોચર તમારા માટે તણાવ લઈને આવી રહ્યું છે. સાહસ ઘટી શકે છે. એટલે કોઈ એવું કામ ના કરવું જેમાં રિસ્ક હોય. કોઈપણ મોટો નિર્ણય લેતા પહેલા અનુભવીની સલાહ લેવી. જો કોઈ મોટો નિર્ણય લેવાનો હોય તો હાલ ટાળી દેવો. બુધના કારણે મિત્રો સાથે બોલાચાલી થઈ શકે છે. કોઈની વાતોને મન પર ના લેવી અને વ્યવહારિકતા દાખવવી. ઉપાય તરીકે દર મંગળવારે ગોળ ખાઈને ઘરેથી નીકળવું.

વૃશ્ચિક રાશિ પર બુધના ગોચરનો ખાસ પ્રભાવ પડવાનો છે. તમારી આર્થિક સ્થિતિ સુધરશે. આકસ્મિક ધન લાભ થઈ શકે છે. પારિવારિક સંબંધો વધુ મજબૂત થશે. જે લોકો હાલ લગ્નનો પ્રયાસ કરી રહ્યા હોય તેમને સફળતા મળી શકે છે. થોડું સાવધ રહેવાની જરૂર છે. તમને કોઈ દગો આપી શકે છે. ઉપાય તરીકે કાળા અડદનું દાન કરવું.

ધન રાશિના લોકોને બુધના ગોચર પછી શુભ સમાચાર મળી શકે છે. આ રાશિના આયાત-નિકાસ સાથે જોડાયેલા લોકો માટે સમય શાનદાર રહેશે. જે લોકો મેડિકલની તૈયારી કરી રહ્યા હોય તેમને પણ શુભ સમાચાર મળી શકે છે. મહેનતથી લાભ થશે. બુધના ગોચરથી વિદ્યાર્થીઓને સફળતા મળશે. જે લોકો પરણેલા છે તેમનું જીવન સુખ-શાંતિથી વિતશે. ઉપાય તરીકે ભગવાન ગણેશની પૂજા કરો અને તેમને દુર્વા ચડાવો.

બુધનું ગોચર તમારી રાશિના 12મા ભાવમાં થઈ રહ્યું છે. આ દરમિયાન તમારા ખર્ચ વધી શકે છે. સંબંધોમાં કડવાશ આવી શકે છે. બુધનું ગોચર આર્થિક નુકસાન કરાવી શકે છે. કોઈ મિત્ર કે મહિલા પાછળ ધન ખર્ચાઈ શકે છે. બુધના ગોચરની સૌથી વધુ અસર તમારા સ્વાસ્થ્ય પર જોવા મળી શકે છે. તમારા વિરોધીઓનો પ્રભાવ વધારે રહેશે.

કુંભ રાશિના જાતકો માટે બુધનું ગોચર શુભ ફળ આપનારું રહેશે. મોસાળ પક્ષ તરફથી ખૂબ મદદ મળી શકે છે. મોટા ભાઈ અને મામાનો સહયોગ પ્રાપ્ત થશે. કરિયરમાં છેલ્લા એક વર્ષમાં કરેલી મહેનતનો વિશેષ લાભ મળશે. ઉપાય તરીકે નાની બાળકીઓને લીલા રંગની વસ્તુ ભેટમાં આપો.

મીન રાશિના જાતકો માટે ગોચર શુભ પરિણામ આપનારું રહેશે અને દરેક મામલે લાભ થઈ શકે છે. બિઝનેસમાં ફાયદો થશે. કામને આગળ વધારવા અંગે વિચારી શકો છો. નોકરી કરી રહેલા લોકો બદલવા અંગે વિચારી શકે છે. દાંપત્ય સંબંધોમાં મધુરતા રહેશે. પરિવારના બધા જ લોકો સાથે સંબંધો સારા રહેશે. ઉપાય તરીકે દર બુધવારે મગની દાળનું સેવન કરવું.