મેષ
આ રાશિના જાતકો પર શુક્ર ગોચરની શુભ અસર જોવા મળશે. જે લોકો કળા, ડિઝાઈનિંગ અને કવિતાના ક્ષેત્ર સાથે જોડાયેલા છે તેમના કરિયરમાં પ્રગતિ થશે અને ઉપલ્બ્ધિ મળશે. જે લોકો પહેલાથી રિલેશનશિપમાં છે તેમના માટે આ ગોચર સમસ્યા ઉભું કરનારું બની શકે છે. તમારે આ સમયે પાર્ટનર સાથે કોઈ પ્રકારનો ઝઘડો કરવાથી બચવું જોઈએ. જે લોકો હજી પણ સિંગર છે તેમને સારો પાર્ટનર મળી શકે છે. સંતાન સુખની પ્રાપ્તિ કરવા વિશે વિચારી રહેલા જાતકો માટે આ ગોચર શુભ પ્રભાવ આપનારું રહેશે. તમારી ઈચ્છા આ સમયે પૂરી થઈ શકે છે. ઉપાય તરીકે તમારે શુક્રવારે મા લક્ષ્મીની પૂજા કરીને તેમને લાલ રંગના ફૂલ અર્પણ કરવા જોઈએ.
વૃષભ
વૃષભ રાશિના લોકો માટે શુક્ર તેમના સ્વામી છે, તેથી તેમના માટે ગોચર વિશેષ ફળદાયી સાબિત થઈ શકે છે. તમારા જીવનમાં આ ગોચરના પ્રભાવથી આરામના સાધનોમાં વૃદ્ધિ થશે. માતા, ગૃહસ્થ, જીવન, વાહન તથા સંપત્તિ સાથે જોડાયેલા ચોથા ભાવમાં ગોચર થવાથી તમારા જીવનમાં વિલાસતાના સાધન વધશે. તમે કોઈ લક્ઝરી વાહન અથવા અન્ય કોઈ વસ્તુ ખરીદી શકો છો. માતાની સાથે તમારા સંબંધો સુધરશે, તમારે માત્ર તેમના સ્વાસ્થ્યનું ધ્યાન રાખવાનું છે. પ્રતિસ્પર્ધાની તૈયારી કરી રહેલા લોકો માટે પણ આ સમય સારો છે. જો તમે કોઈ કામ માટે અરજી કરી છે તો તમને મંજૂરી મળી શકે છે. ઉપાય તરીકે દર શુક્રવારે સ્નાન બાદ 11 વખત શુક્રના બીજ મંત્રનો જાપ કરો.
સિંહ
સિંહ રાશિના જાતકો પર શુક્ર ગોચરનો પ્રભાવ જીવનમાં આનંદ વધારનારો રહેશે. સમાજમાં લોકોની વચ્ચે તમારા માન-સન્માનમાં વૃદ્ધિ થશે અને કાર્યક્ષેત્રમાં પણ તમારો પ્રભાવ વધશે. આ વચ્ચે કેટલાક પ્રભાવશાળી લોકો સાથે તમારો સંપર્ક વધશે. તો પ્રેમ અને વૈવાહિક જીવનમાં પણ સુખદ અનુભવ પ્રાપ્ત કરશો. આર્થિક સ્થિતિમાં સુધારો આવશે અને આ ગોચર તમારી પ્રોફેશનલ લાઈફમાં સારી તક લઈને આવશે. જે લોકો કળા અને રંગમંચ સાથે જોડાયેલા છે તેમના માટે આ ગોચર વિશેષ રીતથી અનુકૂળ રહેશે. તમને કોઈ સારી ઓફર મળી શકે છે. ઉપાય તરીકે તમારા પાર્ટનરને પર્ફ્યૂમ ગિફ્ટ કરો.
તુલા
તુલા રાશિના સ્વામી પણ શુક્ર છે અને આ ગોચરની અસર તમારા જીવન પર શુભ રહેશે. તમને દરેક મામલે સકારાત્મક પરિણામ મળશે અને અટવાયેલા તમામ કામ પૂરા થશે. તમને આર્થિક લાભ નિશ્ચિત રીતે પ્રાપ્ત થશે અને મિત્રો સાથેના સંબંધો સુધરશે. આ દરમિયાન અચાનક અટવાયેલું જૂનું ધન પ્રાપ્ત થઈ શકે છે. પ્રેમ, શિક્ષા અને સંતાનના મામલે પણ આ ગોચર વિશેષ રીતથી શુભ ફળ આપનારું રહેશે. જે બાળકો ઉચ્ચ શિક્ષણ માટે વિદેશ જવા માગે છે, તેમને પણ કેટલીક સારી તક મળી શકે છે. ફેશન ડિઝાઈનિંગ સાથે જોડાયેલા તુલા રાશિના જાતકોને કરિયરમાં પ્રગતિ થશે અને નવી ઓફર પણ મળી શકે છે. ઉપાય તરીકે તમારા જમણા હાથની નાની આંગળીમાં સોનાની વીંટી પહેરવી જોઈએ.
કુંભ
કુંભ રાશિ પર શુક્રના ગોચરની શુભ અસર થશે. આ ગોચરના પ્રભાવથી તમારું લગ્નજીવન વધારે સારું થશે. જીવનસાથી સાથેના દરેક પ્રકારના વિવાદનો અંત આવશે અને તમારી વચ્ચે પરસ્પર સમજૂતી વધશે. જે લોકો જીવનસાથીની શોધમાં છે તેમના જીવનમાં કોઈ નવી એન્ટ્રી થઈ શકે છે અને આ સંબંધમાં તમે કોઈ મોટો નિર્ણય લઈ શકો છો. પાર્ટનરશિપમાં બિઝનેસ કરનારા લોકો માટે સમય પ્રબળ છે. વિતેલા સમયમાં કરેલી કેટલીક ડીલ નફો આપશે. શારીરિક આકર્ષણમાં પણ વૃદ્ધિ થશે. જે લોકો વજન ઘટાડવાનો પ્રયાસ કરી રહ્યા છે તેમને સફળતા મળવાની આશા છે. ઉપાય તરીકે બેડરૂમમાં ગુલાબી સ્ફટિક રાખવું જોઈએ.