મેષ
મેષ રાશિના જાતકોને અઠવાડિયાની શરૂઆતમાં મુશ્કેલીઓનો સામનો કરવો પડી શકે છે. અઠવાડિયું આગળ વધશે તેમ શુભ સમય આવતો જશે. અઠવાડિયાની શરૂઆતમાં નજીકના મિત્રો અને સહયોગીઓના કારણે મન ઉદાસ રહી શકે છે. પારિવારિક જવાબદારીઓ વ્યવસ્થિત નિભાવવાની જરૂર છે. ખાવાપીવામાં કાળજી લેવી. નોકરિયાત વર્ગના લોકો માટે સમય સારો છે. સંતાન પક્ષથી સામાન્ય સુખ મળી શકે છે.
વૃષભ
વૃષભ રાશિના જાતકોને આ અઠવાડિયે અગાઉ કરેલા કાર્યોમાં સફળતા મળી શકે છે. કામના સંદર્ભે નાની-મોટી યાત્રા થઈ શકે છે. જે સુખદ અને લાભદાયી રહેશે. સ્વાસ્થ્યની દ્રષ્ટિએ અઠવાડિયું સામાન્ય રહેશે. પૂજાપાઠના શુભ કાર્યોમાં સમય વિતાવશો. આર્થિક મામલે સફળતા મળી શકે છે. કોર્ટ-કચેરીના નિર્ણય તમારા પક્ષમાં આવી શકે છે. પ્રેમ સંબંધોમાં વિશ્વાસ વધશે.
મિથુન
એપ્રિલનું આ સપ્તાહ મિથુન રાશિના જાતકો માટે સુખ અને સૌભાગ્ય લઈને આવવાનું છે. અઠવાડિયાની શરૂઆતમાં સંતાન પક્ષ તરફથી શુભ સમાચાર મળી શકે છે. જે જાતકો સ્પર્ધાત્મક પરીક્ષાની તૈયારી કરી રહ્યા હોય તેમને શુભ સમાચાર મળી શકે છે. કરિયર અને વ્યવસાય બંનેમાં મરજી પ્રમાણેની પ્રગતિ થઈ શકેછે. આવકની દ્રષ્ટિએ સમય સારો છે પરંતુ ખર્ચ પણ એટલો જ થશે. દાંપત્યજીવનમાં મધુરતા રહેશે.
કર્ક
કર્ક રાશિના જાતકો માટે અઠવાડિયાનો પહેલો ભાગ બીજા કરતાં વધારે સારો રહેશે. અઠવાડિયાની શરૂઆતમાં જ કરિયરમાં એકાએક પ્રગતિ થતી દેખાઈ શકે છે. કોર્ટ-કચેરીના મામલે રાહત મળી શકે છે. આ અઠવાડિયે નોકરિયાત વર્ગની મહિલાઓની ઘર અને ઓફિસ વચ્ચે સંતુલન જાળવવામાં મુશ્કેલી આવી શકે છે. અઠવાડિયાની બીજા ભાગમાં કાર્યક્ષેત્રે વ્યસ્તતા વધારે રહેશે. નક્કી કામોમાં અડચણ આવતાં મન દુઃખી થઈ શકે છે. પ્રેમ સંબંધોમાં સમજી-વિચારીને આગળ વધવું. કોઈ વડીલનું સ્વાસ્થ્ય ચિંતા કરાવી શકે છે.
સિંહ
સિંહ રાશિના જાતકોએ વ્યવાસિયક જીવન અને અંગત જીવનમાં સમજી-વિચારીને આગળ વધવું. આ અઠવાડિયે રોજગારના ક્ષેત્રે મનપસંદ સફળતા મેળવવા માટે વધુ મહેનત કરવી પડી શકે છે. વિરોધીઓ તમને લક્ષ્યથી ભટકાવવાની કોશિશ કરી શકે છે. વાહન સાવધાનીથી ચલાવવું અને સ્વાસ્થ્યની કાળજી લેવી.
કન્યા
કન્યા રાશિના જાતકો માટે આ અઠવાડિયું સપના પૂરા થવા સમાન છે. અઠવાડિયાની શરૂઆતમાં કરિયર સાથે જોડાયેલા કોઈ સારા સમાચાર મળી શકે છે. જે લોકો લાંબા સમયથી ટ્રાન્સફરની રાહ જોઈ રહ્યા હોય તેમની ઈચ્છા પૂરી થઈ શકે છે. તમારી બુદ્ધિમતા અને મહેનતથી કાર્યક્ષેત્રે, વેપાર અને વ્યવસાયમાં સફળતા પ્રાપ્ત કરી શકો છો. મકાન-જમીન સંબંધિત સમસ્યા દૂર થઈ શકે છે. અઠવાડિયાના બીજા ભાગમાં સ્વાસ્થ્ય સંબંધિત પરેશાની થઈ શકે છે. જીવનસાથી સાથે નાની-મોટી યાત્રા થઈ શકે છે.
તુલા
તુલા રાશિના જાતકોને કામના સંદર્ભે નાની-મોટી યાત્રા કરવી પડી શકે છે. યાત્રા દરમિયાન સ્વાસ્થ્ય અને સામાન બંનેનું ધ્યાન રાખવું. આવકના સ્ત્રોત વધશે પણ સામે ખર્ચા થઈ શકે છે. લાંબા સમયથી રોજગાર શોધી રહેલા જાતકોને સફળતા માટે હજી થોડી રાહ જોવી પડી શકે છે. પ્રેમ સંબંધોમાં કોઈ ત્રીજા વ્યક્તિની દખલગીરી ના થાય તેની કાળજી લેવી. જીવનસાથીનું સ્વાસ્થ્ય ચિંતાનું કારણ બની શકે છે.
વૃશ્ચિક
વૃશ્ચિક રાશિના લોકોને આ અઠવાડિયે સંભાળીને રહેવાની જરૂર છે. જો તમે નોકરી બદલવાનો કે ક્યાંય રૂપિયા રોકવાનો વિચાર કરી રહ્યા હો તો શુભચિંતકોની સલાહ પછી જ આગળ વધવું. પરિવાર સાથે જોડાયેલો કોઈ નિર્ણય લેતી વખતે સ્વજનોનું ધ્યાન રાખવું. કાર્યક્ષેત્રે પોતાની યોજનાઓના ખુલાસા પહેલાથી ના કરવા. પ્રેમ પ્રસંગમાં સાવધાનીથી આગળ વધવું નહીં તો વાત બગડી શકે છે. સંતાનપક્ષની ચિંતા રહી શકે છે.
ધન
ધન રાશિના જાતકો માટે આખું અઠવાડિયું શુભ રહેવાનું છે. અઠવાડિયાની શરૂઆતમાં કોઈ પ્રભાવશાળી વ્યક્તિના કારણે લાંબા સમયથી અટકેલા કાર્યો પૂરા થઈ શકે છે. સામાજિક પ્રતિષ્ઠામાં વધારો થશે. અઠવાડિયાના બીજા ભાગમાં જમીન-મકાન સંદર્ભે ભાગદોડ કરવી પડી શકે છે. અઠવાડિયાના અંતે પરિવાર સાથે લાંબા કે ટૂંકા અંતરની યાત્રા થઈ શકે છે. માતાપિતાનો સહકાર મળશે.
મકર
મકર રાશિના લોકોની મનોકામના આ સપ્તાહે પૂરી થઈ શકે છે. કાર્યક્ષેત્રે સિનિયરો તમારા વખાણ કરી શકે છે. અગાઉ કરેલા રોકાણનો લાભ મળી શકે છે. જમીન-મકાન સાથેના વિવાદ ઉકેલાઈ શકે છે. અઠવાડિયાના બીજા ભાગમાં કોઈ પ્રિય વ્યક્તિનું ઘરમાં આગમન થઈ શકે છે. કોઈ માંગલિક પ્રસંગમાં સામેલ થઈ શકો છો. ભૌતિક સુખ-સુવિધામાં વૃદ્ધિ થશે.
કુંભ
આ અઠવાડિયે કુંભ રાશિના જાતકોએ બજેટનું ધ્યાન રાખવું. અઠવાડિયાની શરૂઆતમાં સુખ-સુવિધાઓની વસ્તુઓ પાછળ ખર્ચ થઈ શકે છે. અઠવાડિયાના પૂર્વાર્ધમાં જીવનસાથી સાથે નાની-મોટી યાત્રા સંભવ છે. યાત્રા આનંદદાયક સાબિત થઈ શકે છે. અઠવાડિયાના બીજા ભાગમાં ઘરના વડીલના સ્વાસ્થ્યને લઈને ચિંતા થઈ શકે છે. કાર્યક્ષેત્રે વિરોધીઓથી સાવધ રહેવું.
મીન
મીન રાશિના જાતકો માટે આ અઠવાડિયું શુભ રહેવાનું છે. અઠવાડિયાની શરૂઆતમાં લાભ અને પ્રગતિના યોગ બનશે. પોતાની વાણી પર કાબૂ રાખવો. ભાઈ-બહેનો સાથે સારો તાલમેલ રહેશે. લાંબા સમયથી જમીન-મકાન ખરીદવાની ઈચ્છા ધરાવતા હો તો ઈચ્છા પૂરી થઈ શકે છે. માતાપિતાનો સાથ મળશે. નોકરિયાત વર્ગના જાતકોને આવકના સ્ત્રોત વધી શકે છે. પ્રેમ સંબંધમાં સફળતા મળશે. લવ પાર્ટનર સાથે વિશ્વાસ વધશે. જીવનસાથી સાથે સુખદ સમય વિતાવશો.