મારુતિ સુઝુકી લાવી રહી છે નવી SUV: નેક્સોન, વેન્યુ અને કિયા સોનેટ સાથે હશે મુકાબલો

નવી દિલ્હીઃ ભારતમાં મિડ સાઈઝ એટલે કે 4 મીટર કોમ્પેક્ટ એસયુવી સેગમેંટની કારમાં સ્પર્ધા ઘણી વધી ગઈ છે. ગત નવેમ્બરમાં પોતાની પોપ્યુલર કોમ્પેક્ટ એસયુવી વિટારા બ્રેઝાનું વેચાણ ઘટ્યા બાદ મારૂતિ સુઝુકી ટૂંક સમયમાં કોમ્પેક્ટ એસયુવી સેગમેંટમાં એક શાનદાર કાર લોન્ચ કરવા જઈ રહી છે જેની કિંમત ઓછી પરંતુ ફિચર્સ કિયા સોનેટ, ટાટા નેક્સોન અને હ્યુંડાઈ વેન્યુની સાથે જ ભારતની સૌથી કોમ્પેક્ટ એસયુવી નિસ્સાન મેગ્નાઈટથી ઓછી હશે. મારૂતી સુઝુકી પોતાની નવી એસયુવી દ્વારા ફરીથી કોમ્પેક્ટ સેગમેંટમાં છવાઈ જવાનો પ્રયાસ કરશે જ્યાં હાલમાં કિયા મોટર્સ, હ્યુન્ડાઈ ઈન્ડિયા અને ટાટા મોટર્સ જેવી કંપનીઓનો દબદબો છે.

બલેનોના આધારે તૈયાર કરવામાં આવશે
મારૂતિ સુઝુકીની આ અપકમિંગ કોમ્પેક્ટ એસયુવીને હાલમાં YTB કોડનેમ આપવામાં આવ્યું છે અને તેને કંપનીની લોકપ્રિય હેચબેક બલેનોના આધારે ડેવલોપ તૈયાર કરવામાં આવશે. આ કારના ફિચર્સ ઘણા ખરા અંશે મારૂતિ સુઝુકી અર્ટિગા અને મારૂતિ સુઝુકી એક્સએલ6 જેવા એમપીવી સાથે મળતા હશે. મારૂતિ સુઝુકી પોતાની નવી એસયુવીને અરેના ડિલરશિપની મદદથી વેચશે. હાલમાં બલેનો અને એક્સએલ6 જેવી કાર નેક્સા ડિલરશિપ દ્વારા વેચાય છે.

કોમ્પેક્ટ એસયુવી સેગમેંટનો વિસ્તાર
તાજેતરમાં કોમ્પેક્ટ એસયુવી સેગમેંટમાં મારૂતિ વિટારા બ્રેઝા પાછળ રહી ગયા બાદ કંપની હવે લોકોને નવી કાર ઓફર કરશે અને બ્રેઝાની કિંમત ઓછી નહીં કરે. હકિકતમાં કિયા સોનેટ અને નિસ્સાન મેગ્નાઈટની એન્ટ્રી બાદ સૌથી વધારે નુકસાન મારૂતિ સુઝુકીને થયો છે. તેવામાં મારૂતિ સુઝુકી હવે આ સેગમેંટનો વિસ્તાર કરવા ઈચ્છે છે.

એન્જિન અને ટ્રાન્સમિશન
મારૂતિ સુઝુકીની નવી કોમ્પેક્ટ એસયુવીમાં બલેનોની જેમ 1.2 લીટર ડ્યુલજેટ પેટ્રોલ એન્જિન જોવા મળી શકે છે જે 90 PSના પાવર અને 113 Nmના ટોર્ક જનરેટ કરવામાં સક્ષમ છે. આ કાર 5 સ્પીડ મેન્યુઅલ ટ્રાન્સમિશન સાથે જ ઓટોમેટિક ટ્રાન્સમિશન ઓપ્શનમાં પણ લોન્ચ કરી શકાય છે.

આવી રહી છે ઘણી નવી કાર
મારૂતિ સુઝુકીની આ એસયુવી 2021 કે 2022ની શરૂઆતમાં લોન્ચ થઈ શકે છે અને તેની કિંમત 6 લાખથી 10 લાખ રૂપિયા સુધી હોઈ શકે છે. મારૂતિ સુઝુકી વર્ષ 2023 સુધી 4 નવી સબ-કોમ્પેક્ટ એસયુવી અને એક નવી એમપીવી લોન્ચ કરવાની યોજના પર કામ કરી રહી છે. જેની વિગતો આગામી સમયમાં આવશે.