નવી દિલ્હીઃ મહિન્દ્રા ટુ-વ્હીલર્સે BS6 મહિન્દ્રા Mojo 300 ABSનું પ્રી-બુકિંગ શરૂ કરી દીધું છે. 5 હજાર રૂપિયામાં કંપનીની ડીલરશિપથી બાઈક બુક કરી શકાય છે. અપટેડેટ Mahindra Mojoને જલદી લોન્ચ કરવામાં આવશે. મહિન્દ્રા ટુ-વ્હીલર્સે હાલમાં જ તેનું ટીઝર જાહેર કરીને માહિતી આપી. BS6 Mojo 300ની સીધી ટક્કર બજાજ ઓટોની ડોમિનાર 250 સાથે થશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો
અપટેડેટ મહિન્દ્રા મોજમાં BS4 મોડલવાળું 295cc, સિંગલ સિલિન્ડર, ફ્યૂલ-ઈંજેક્ટેડ, ઓઈલ-કૂલ્ડ એન્જિન મળશે જે હવે BS6 કમ્પ્લાયંટ હશે. અપગ્રેટેડ એન્જિનની તમામ માહિતી સામે આવી નથી. જોકે BS4 વર્ઝનના આ એન્જિનમાં 7500 rpm પર 26 bhpનો પાવર અને 5500 rpm પર 28 Nm ટોર્ક જનરેટ કરી શકે છે. આ એન્જિન 6 સ્પીડ ગિયરબોક્સ આપવામાં આવ્યું છે.
નવા કલર ઓપ્શન
મહિન્દ્રા ટુ-વ્હીલર્સ લોન્ચિંગ પહેલા BS6 મોજોના ફોટો જાહેર કરી ચૂકી છે. જેનાથી ક્લિયર છે કે આ બાઈક અનેક કલર ઓપ્શનમાં આવશે. જેમાં ગાર્નેટ બ્લેક, રૂબી રેડ, બ્લેક પર્લ અને રેડ એગટ કલરનો સમાવેશ છે. રૂબી રેડ અને રેડ એગલ ડ્યૂલ ટોન જ્યારે અન્ય બે સિંગલ ટોન કલર છે. ગાર્નેટ બ્લેક અને રૂબી રેડ કલર ઓપ્શનમાં બાઈકના વ્હીલ પર રેડ પિન્સ્ટ્રાઈપ મળશે, જ્યારે અન્ય બે કલર સાથે બ્લેક વ્હીલ મળશે.
સસ્પેંશન અને બ્રેકિંગ
મહિન્દ્રાની આ બાઈક ટેલિસ્કોપિક ફ્રન્ટ ફોકર્સ અને રિયર મોનોશોક અબ્જોવર્સ સસ્પેંશન સાથે આવશે. તેના ફ્રન્ટમાં 320mm અને રિયરમાં 240mm ડિસ્ક બ્રેક હશે. બાઈક ડ્યૂલ ચેનલ ABD સજ્જ હશે. આ સસ્પેંશન અને બ્રેકિંગ સેટઅપ મોજોના BS4 મોડલમાં મળે છે.