ઓટોમોટિવ વર્લ્ડથી જોડાયેલા લોકો આતુરતાથી 2017માં લોસ એન્જલસ ઓટો શોની રાહ જોઇ રહ્યાં છે. 1 ડિસેમ્બરથી 10 ડિસેમ્બર સુધી ચાલુ રહેનારા આ શોમાં એકથી એક હટકે ગાડીઓ લોન્ચ થવાની છે. અમે તમને પાંચ એવી કાર્સ વિશે જણાવવા જઇ રહ્યાં છે જે ભારતમાં લોન્ચ થવાની છે.
2018 જીપ રેંગલર
2018 Jeep Wranglerને 2017 લોસ એન્જલસ ઓટો શોમાં ડિસ્પ્લે કરવામાં આવશે. આ એસયુવી શાર્પ અને એટ્રેક્ટિવ લુક સાથે લોન્ચ કરવામાં આવશે. હાલના મોડલ કરતાં આ કારમાં રિવાઇઝ્ડ ફ્રન્ટ ગ્રિલ, નવા હેડલેમ્પ્સ, ફોગ લેમ્પ્સ સાથેનું ફ્રન્ડ બમ્પર અને નવી ડિઝાઇનવાળા એલોય વ્હીલ્સ આપવામાં આવશે. આ સાથે જ તેના ફ્રન્ટ લુકને પણ અપડેટ કરવામાં આવ્યો છે. જો આ એસયુવીના ઇન્ટિરીયરની વાત કરવામાં આવે તો ખૂબ જ સ્ટાઇલિશ અને અપીલિંગ હશે. તેની સીટની અંદર લગાવાયેલા મટિરીયલને અપગ્રેડ કરવામાં આવ્યું છે. જેમાં અપડેટેડ ઇન્સ્ટ્રુમેન્ટ ક્લસ્ટર અને નવી ટચસ્ક્રીન ઇન્ફોટેન્મેન્ટ સિસ્ટમ આપવામાં આવી છે. જેમાં 2.0 લીટર અને 3.6 લીટર વી6 મોટર એન્જિનના ઓપ્શન્સ હશે. ભારતમાં તેને આવતા વર્ષે લોન્ચ કરવામાં આવશે. નવી દિલ્હીમાં તેની ઓક્સ શો રૂમ કિંમત 60થી 62 લાખ રૂપિયા વચ્ચે હોય શકે છે.
2018 મર્સિડીઝ બેન્ઝ સીએલએસ
મર્સિડીઝ બેન્ઝે નવી જનરેશન સીએલએસને થીમ ડિઝાઇન પર તૈયાર કરી છે. આ બ્રાન્ડની લેટેસ્ટ થીમ પર ડિઝાઇન કરવામાં આવી છે. જેમાં એલ શેપ્ડ એલઇડી ડેટાઇમ રનિંગ લાઇટ્સ આપવામાં આવી છે. મોટું ફ્રન્ટ ગ્રીલ અને સેન્ટર પર બ્રાન્ડનો લોગો તેને એસયુવી લૂક આપે છે. કેબિનની અંદર વાઇડ ડિજીટલ સ્ક્રિન વર્ક જોવા મળે છે. જેમાં ટચસ્ક્રિન અને ઇન્ફોટેન્મેન્ટ સિસ્ટમ આપવામાં આવી છે. પ્રીમિયમ ક્વોલિટી સીટ અને તેમાં શાનદાર મટીરિયલ પણ લાગેલું છે. આ કાર આવતાં વર્ષે ભારતમાં લોન્ચ થશે. જેની એક્સ શો રૂમ કિંમત 80 લાખની આસપાસ હોય શકે છે.
વોલ્વો એક્સસી40
આ કારની લોકો ઉત્સુક્તાથી રાહ જોઇ રહ્યા છે. આ કોમ્પેક્ટ લક્ઝરી એસયુવી એલઇડી હેડલેમ્પ્સથી સજ્જ હશે. મોટુ ફ્રન્ટ ગ્રિલ, સ્કલ્પ્ટેડ બમ્પર, સ્ટાઇલીશ અલોય વ્હીલ્સ તેના ફિચર્સ છે. ડ્યૂલ ટોન બોડી પેઇન્ટ સ્કીમ, સ્પોર્ટી અલોય વ્હીલ્સ, એલઇડી ટેલલાઇટ્સ પણ તેના ફિચર્સ છે. ભારતમાં તેને આવતા વર્ષે લોન્ચ કરવામાં આવશે. નવી દિલ્હીમાં તેની એક્સ શો રૂમ કિંમત 30થી 40 લાખ રૂપિયાની વચ્ચે હોય શકે છે.
2018 ઓડી એ7 સ્પોર્ટબેક
Audi A7 Sportbackની ડીઝાઇન ઓડી પ્રેલોગની કોન્સેપ્ટ મોડલ જેવી છે. તેને જોઇને જ તમે અંદાજો લગાવી શકો છો કે તે ઓડીની કાર છે. જેમાં હેક્સાગોનલ ફ્રન્ટ ગ્રિલ, શાર્પ હેડલેમ્પ્સ, એલઇડી ડેટાઇમ રનિંગ લાઇટ્સ વગેરે ફિચર્સ આપવામાં આવ્યાં છે. જેમાં ડિજીટલ ઇન્સ્ટ્રુમેન્ટ ક્લસ્ટર અને મોટી ટચસ્ક્રિન ઇન્ફોટેઇન્મેન્ટ સિસ્ટમ પણ આપવામાં આવી છે. જેમાં 3.0-litre V6 ટર્બો પેટ્રોલ એન્જીન આપવામાં આવ્યું છે. આ કારને ભારતમાં આવતાં વર્ષે લોન્ચ કરવામાં આવશે. જેની અંદાજીત કિંમત 90 લાખથી 1 કરોડ વચ્ચે હશે.
2018 રેન્જ રોવર એસવી ઓટોબાયોગ્રાફી
નવી રેન્જરોવરની ડિઝાઇન અને સ્ટાઇલમાં અનેક અપડેટ્સ કરવામાં આવ્યાં છે. જેમાં વી8 એન્જિન આપવામાં આવ્યું છે. જે 575 હોર્સપાવરની તાકાત જનરેટ કરે છે. આ 0થી 100 કિ.મીની ઝડપ માત્ર 4.3 સેકન્ડમાં પકડી શકે છે. જેની ટોપ સ્પીડ 284 કિ.મી/કલાક છે. આ કારને ભારતમાં આવતાં વર્ષે લોન્ચ કરવામાં આવશે. જેની અંદાજીત કિંમત 3 કરોડ રૂપિયા છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.