માર્કેટમાં નવી ઈલેક્ટ્રિક સેડાન કાર, એકવાર ફૂલ ચાર્જ બાદ 706 કિમી દોડશે

નવી દિલ્હીઃ ભારતમાં પરંપરાગત વાહોનનોની વચ્ચે હવે ધીરે ધીરે ઇલેક્ટ્રિક વ્હીકલ્સનો જમાનો આવી રહ્યો છે. ચીન પણ આ ઇન્ડસ્ટ્રીમાં ઘણો આગળ વધી રહ્યું છે. કારણ કે, ચીનમાં દુનિયાનું સૌથી મોટું ઇલેક્ટ્રિક વ્હીકલ્સનું માર્કેટ છે. તાજેતરમાં જ ચીનની એક ઓટોમોબાઇલ કંપની Xpeng Motorsએ એક ઇલેક્ટ્રિક સેડાન કાર રજૂ કરી છે. જે ટેસ્લા મોડેલ 3 કરતાં વધારે લાંબી ડ્રાઇવિંગ રેન્જ આપવાની સાથે તેના કરતાં સસ્તી પણ છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:Xpeng કંપનીએ પોતાના બીજા વ્હીકલ તરીકે માર્કેટમાં P7 નામથી ઈલેક્ટ્રિક સેડાન રજૂ કરી છે. જે સિંગલ ચાર્જમાં 706 કિમી સુધીનું અંતર કાપી શકે છે. આ કાર ચીનમાં વેચાણ માટે સપ્ટેમ્બર મહિનામાં લોન્ચ કરવામાં આવશે. ભારતીય રુપિયામાં તેની કિંમત 27.43 લાખ રૂપિયા હશે. આ કારની સરખામણી ટેસ્લા કાર સાથે એટલે કરવામાં આવી રહી છે કારણ કે, જૂનમાં ચીનમાં ટેસ્લા મોડેલ 3 લોન્ચ કરવામાં આવશે, જેની ડ્રાઇવિંગ રેન્જ 650 કિમી છે.ચીનની ઇલેક્ટ્રિક ઓટોમોબાઇલ કંપની દાવો કરી રહી છે કે, P7 Sedan કિંમત અને ફીચર્સમાં ટેસ્લા મોડેલ 3ને ટક્કર આપી શકે છે. ચીનમાં વર્ષ 2019માં આખા વિશ્વની સરખામણીએ સૌથી વધારે ઇલેક્ટ્રિક વ્હીકલ્સ વેચાયાં છે અને આ સાથે જ આ દુનિયાનુંસૌથી મોટું EV માર્કેટ બની ગયું છે. તેમજ, રિપોર્ટ અનુસાર, ટેસ્લાએ ગયા મહિને ચીનમાં રેકોર્ડ બ્રેક ગાડીઓની ડિલિવરી પણ કરી છે.