સિંગલ ચાર્જમાં 210KMની માઈલેજ આપતું હીરોનું ઈલેક્ટ્રિક સ્કૂટર લોન્ચ

હીરો ઈલેક્ટ્રિકે ભારતમાં ધાંસૂ સ્કૂરટ Hero Electronic Nyx-HX લોન્ચ કર્યું છે, જેના વિશે કંપનીએ દાવો કર્યો છે કે તે સિંગલ ચાર્જમાં 210 કિલોમીટર સુધી ચાલી શકે છે. Hero Nyx-HX ઈલેક્ટ્રિક સીરિઝના સ્કૂટરની કિંમત 64,640 રૂપિયાથી શરૂ થાય છે. હીરોએ આ સ્કૂટરને ઘણા વેરિયન્ટમાં લોન્ચ કર્યું છે, જેમાં ટોપ વેરિયન્ટની કિંમત 1,09,440 રૂપિયા છે.

બિઝનેસ હેતુથી ઉપયોગ
હીરો ઈલેક્ટ્રિકે ઈલેક્ટ્રિક સ્કૂટરની નવી રેન્જ કોમર્શિયલ યુઝ એટલે કે નાના-મોટા સામાનની ડિલિવરી પહોંચાડવા માટે લોન્ચ કરી છે. જેમાં ફ્યુલના નામે થોડો પણ ખર્ચ નહીં થાય અને તે ઈકોફ્રેન્ડલી પણ છે. જણાવી દઈએ કે હીરોના નવા સ્કૂટરના ટોપ વેરિયન્ટમાં 210 કિલોમીટરની માઈલેજ આવે છે. જ્યારે શરૂઆતના વેરિયન્ટમાં તમે સિંગલ ચાર્જમાં 82 કિલોમીટર સુધી સ્કૂટર ચલાવી શકો છે. તેમાં સ્વૈપેબલ બેટરી લાગેલી છે, જે ખૂબ જ મોડ્યુલર છે.


જરૂરિયાત મુજબ કસ્ટમાઈઝેશન
હીરો ઈલેક્ટ્રિક સ્કૂટરની આ નવી સીરિઝની સૌથી ખાસ વાત એ છે કે તમે તેને બિઝનેસની જરૂરિયાતના હિસાબથી કસ્ટમાઈઝ કરાવી શકો છો. આ સીરિઝના સ્કૂટરમાં રનિંગ કોસ્ટ ખૂબ જ ઓછી છે, સાથે જ તેના પર ભારે વજન પણ તમે સરળતાથી લઈ જઈ શકો છો. હીરો ઈલેક્ટ્રિક સ્કૂટરમાં સ્માર્ટ કનેક્ટિવિટી પણ છે, જેના દ્વારા તમે પોતાના સ્માર્ટફોનને કન્ટ્રોલ કરી શકો છે.

42KM ટોપ સ્પીડહીરો Nyx-HX ઈલેક્ટ્રિક સીરિઝના સ્કૂટરના પાવરની વાત કરીએ તો તેમાં 0.6 kW ઈલેક્ટ્રિક મોટર લાગેલી છે. જેની મેક્સિમમ સ્પીડ 42 કિલોમીટર પ્રતિ કલાકની છે. તેમાં 1.536 kWhનું બેટરી પેક ઓપ્શન આપેલું છે. આ સીરિઝના સ્કૂટરમાં combi brakes આપેલી છે. હીરો ઈલેક્ટ્રિકએ નવી સીરિઝના સ્કૂટર બિઝનેસ-ટુ-બિઝનેસ સોલ્યુશન લોન્ચ કર્યા છે અને માર્કેટમાં તેની ટક્કર બજાજ સહિત અન્ય કંપનીઓના કોમર્શિયલ ઈલેક્ટ્રિક સ્કૂટર સાથે હશે.