હ્યુન્ડાઈની નવી નાની કાર અલ્ટોનું માર્કેટ તોડી શકશે?

I am Gujarat

હ્યુન્ડાઈ મારુતિને ટક્કર આપશે?

નવી દિલ્હીઃ ભારતમાં બીજી સૌથી મોટી કાર મેકર હ્યુન્ડાઈ પોતાના મુખ્ય પ્રતિદ્વિંદ્વિ મારુતુ સુઝુકીની અલ્ટો કારને ચેલેન્જ આપવા માટે નવી નાની કાર બજારમાં ઉતારવાનું વિચારી રહી છે. આ માટે 50,000 યુનિટ્સ તૈચાર કરવાની ક્ષમતાને વધારવા પર વિચાર કરવામાં આવી રહ્યો છે. તેના માટે ચેન્નાઈની પાસે શ્રીપેરુંબુદૂરની પાસે કારખાનામાં સ્ટોકયાર્ડ આકાર ઘટાડવામાં આવી રહ્યો છે.

મારુતિ સુઝુકી પછી હ્યુન્ડાઈનું મોટું માર્કેટ

આ અંગેની માહિતી ધરાવતા લોકોએ જણાવ્યું કે, જો આ પ્લાન સક્સેસ જશે તો હ્યુન્ડાઈ નવા પ્લાન્ટ લગાવવાની સામે 20થી 25 પર્સેન્ટ કિંમતમાં વધારાની ઉત્પાદન ક્ષમતાની રાહ જોઈ રહી છે. હ્યુન્ડાઈ મોટર ઈન્ડિયા ત્રણ શિફ્ટ્સમાં પોતાની આ નવી ફેક્ટરીને 98-100 ટકા પર ચાલવી રહી છે. જ્યારે મારુતિ સુઝુકીને છોડીને તેની બાકી પ્રતિદ્વિંદ્વિ કંપનીઓના કારખાના ઓછી કેપેસિટી પર કામ કરી રહ્યા છે.

ફેસ્ટિવલ સીઝન પહેલા નાની કાર બજારમાં આવશે!

2018ના ફેસ્ટિવ સીઝન પહેલા નાની કાર રજૂ કરવાની યોજના છે. હ્યુન્ડાઈ મોટર ઈન્ડિયાના MD વાઈ કે કૂએ અમારા સહયોગી ઈકોનોમિક ટાઈમ્સને જણાવ્યું કે વધારે ઉત્પાદનની ક્ષમતાની રાહ જોવામાં મુશ્કેલી નહી આવે અને કંપની ભારતીય બજાર માટે અને 1.5 લાખ કારો તૈયાર કરવાની રીતો પર વિચાર કરી રહ્યા છે. તેમણે કહ્યું, “કંપની 2018માં ચેન્નાઈની પાસે બે કારખાનામાંથી વધારેમાં વધારે 7.13 લાખ કારો બનાવી શકે છે. અમારી યોજના 2018-19માં 50,000 અને કારો બનાવવાની ક્ષમતા હાંસલ કરવાની છે. તેના થી 2019માં અમે 7.63 લાખ કાર બનાવવાની સ્થિતિમાં પહોંચી જશો.” કૂએ જોકે તેની સાથે જોડાયેલા પ્લાનની વિસ્તારમાં માહિતી ન આપી.

યુનિટ્સ વધારવાની કોશિશ?

હાલના ઈન્ફ્રાસ્ટ્રક્ચમાં 50,000 યુનિટ્સના ઉત્પાદનની ક્ષમતા જોડવા સિવાય હ્યુન્ડાઈએ ભારતીય બજાર માટે એક લાખ વધુ યુનિટ્સ બનાવવાની ક્ષમતા મળવાની આશા છે કારણ કે તે ફિલીપીન્સ, વિયતનામ, અલ્જેરિયા જેવા મહત્વના બજારોમાં ગ્રેડ i10ના કમ્પ્લેટ બિલ્ટ યુનિટ્સના નિર્યાને કમ્પ્લેટલી નોક્ડ ડાઉન યુનિટ્સમાં બદલી રહી છે જેથી વધારે ટેક્સ ન આપવો પડે. આ પગલાથી હાલના કારખાનાઓમાં વધારે યુનિટ્સ તૈયાર કરવાની આશા બનશે.

‘કન્ટેમ્પરેરી ફેમિલી ઓરિએન્ટેડ વ્હીકલ’

1998માં સેન્ટ્રોના લોન્ચનો ભાગ રહેલા કૂએ કહ્યું કે સેન્ટ્રો ત્યારે ઈન્ડિયામાં નાની કારોના બજારનો સકલ બદલી નાખી હતી. ઈન્ડિયામાં હ્યુન્ડાઈની આવક 20મા વર્ષમાં કંપની ત્રણ વર્ષના નક્કી કરેલા રોડમેચની સાથે મોટા પગલા ભરવાની તૈયાર રહી છે. કંપની ‘કન્ટેમ્પરેરી ફેમિલી ઓરિએન્ટેડ વ્હીકલ’ તરીકે વધુ એક નાની કાર રજુ કરશે, જેનો ઈરાદો નાની કારોના સેગમેન્ટમાં નવો બેન્ચમાર્ક બનાવવાનો છે.

કારમાં હશે આવા ફીચર્સ

આ વેહિકલનું કોડ નામ AH2 છે અને કંપની તેને ‘સેન્ટ્રો’ કહી શકે છે, પણ આ સંબંધમાં નિર્ણય હજુ નથી કરાયો. કૂએ જણાવ્યું કે આ નવી નાની કાર વધારે પહોળી, મોટી હશે અને તેમાં હ્યુન્ડાઈનું એએમટી હશે. આ કારમાં ફેક્ટરી ફિટેડ CNG વર્ઝન પણ હશે.