Hyundai લાવી રહી છે નવી ઈલેક્ટ્રિક કાર, કિંમત ₹10 લાખથી પણ ઓછી

નવી દિલ્હીઃ Hyundai Motor નવી ઇલેક્ટ્રિક કાર રજૂ કરવાની તૈયારી કરી રહી છે. તે કંપનીની ઓછી કિંમતની મિની એસયુવી કાર હશે. ભારતમાં આ કારને 2023 સુધીમાં લોન્ચ કરી શકે છે. કંપની આ કારને તેના 'સ્માર્ટ ઇવી' પ્રોજેક્ટ હેઠળ ડેવલપ કરશે. હવે આ કારની કિંમત અને રેન્જ વિશેની માહિતી બહાર આવી છે.

કેટલી હશે કિંમત ?
આ કારની કિંમત અંગે માહિતી બહાર આવી છે. માનવામાં આવી રહ્યું છે કે આ કાર 10 લાખ રૂપિયાની કિંમત સાથે લોન્ચ કરવામાં આવશે. જોકે, કારની કિંમત અંગે હજી સુધી કંપનીએ કોઈ સત્તાવાર માહિતી બહાર પાડી નથી.

મળશે લાંબી રેન્જ
હ્યુન્ડાઇની બજેટ ઇલેક્ટ્રિક કાર 200 કિ.મી.થી વધુની રેન્જ આપશે. આ કારને પેટ્રોલ-ડીઝલ એન્જિન સાથે આવતી હેચબેક કાર અને ક્રોસઓવર કારના વિકલ્પ તરીકે રજૂ કરવામાં આવશે, જેનો ઉપયોગ શહેરોમાં થાય છે. કંપની આ કારને 2022 ના ઓટો એક્સ્પોમાં શોકેસ કરી શકે છે. કંપનીએ Nexo Fuel Cell Electric SUVનું ભારતમાં લોન્ચિંગ પહેલા જ કન્ફર્મ કરી દીધું છે.