Jawa-42માં જોડાવામાં આવ્યા આ નવા ફીચર્સ, કિંમતમાં પણ થયો વધારો

I am Gujarat

કંપનીએ કર્યો મહત્વનો ફેરફાર

નવી દિલ્હીઃ ક્લાસિક લેજેન્ડના ગ્રાહકો અને ઈન્ટરનેટ પર મળી રહેલા ફિડબેકને ધ્યાનમાં રાખીને Jawa અને Jawa-42માં આખરે રિયર ડિસ્ક બ્રેક અને ડ્યૂલ ચેનલ ABS સાથે લોન્ચ કરવામાં આવી છે. રિયર ડિસ્ક બ્રેક સાથે ડ્યુલ ચેનલ એબીએસવાળી જાવા અને જાવા42ની કિંમત સ્ટાન્ડર્ડ મોડલ કરતા 8942 રૂપિયા વધારે રાખવામાં આવી છે. એટલે કે ડ્યુલ ચેનલ એબીએસવાળી જાવા-42ની કિંમત 1.63 લાખ રૂપિયા અને જાવાની કિંમત 1.72 લાખ રૂપિયા રાખવામાં આવી છે. અમારા ન્યૂઝ Whatsapp પર મેળવવા અહીં ક્લિક કરો

એડવાન્સ બુકિંગ કરનારાઓને પણ મળશે ઓપ્શન

જાવા અને જાવા-42ના સિંગલ ચેનલ એબીએસ અને રિયર ડ્રામ બ્રેકવાળા સ્ટાન્ડર્ડ મોડલ પણ ઉપલબ્ધ છે. તેની કિંમત ક્રમશઃ 1.64 લાખ રૂપિયા અને 1.55 લાખ રૂપિયા રાખવામાં આવી છે. ક્લાસિક લેજેન્ડે કહ્યું કે જે કસ્ટમર પહેલા જાવા બાઈક્સનું બુકિંગ કરી કરી ચૂક્યા છે તેઓ ડ્યુલ ચેનલ એબીએસવાળા મોડલની પસંદગી કરી શકે છે. આ સુવિધા જલદી કંપનીની વેબસાઈટ પર મૂકવામાં આવશે. ડ્યુલ ચેનલ એબીએસવાળા વેરિયન્ટની ડિલિવરી જૂન 2019 પછી શરૂ થશે.

શું છે ખાસ આ જાવા બાઈક્સમાં જાણો

નવી જાવા બાઈક્સને ડ્યુલ ચેનલ એબીએસથી સજ્જ કરવા ઉપરાંત કંપનીએ મિકેનિકલી કોઈ ફેરફાર કરવામાં આવ્યો નથી. જાવા અને જાવા 42માં 293 સીસી લિક્વિડ કૂલ્ડ સિંગલ સિલિન્ડર એન્જિન છે. આ એન્જિન 27hpનો પાવર અને 28Nm ટોર્ક જનરેટ કરે છે. એન્જિનને 6 સ્પીડ ટ્રાંસમિશન આપવામાં આવ્યું છે. કંપનીનો દાવો છે કે આ એન્જિન BS-VI માપદંડોને અનુકૂળ છે.