1 કરોડની SUV સાથે ભારત આવી JEEP

મોટી કાર બનાવનારી અમેરિકાની બ્રાન્ડ JEEP ભારમાં આવી ગઈ છે. કંપનીએ ભારતમાં પોતાના બે ફ્લેગશિપ મોડલ ‘રેંગ્લર’ અને ‘ગ્રાન્ડ ચેરકી’ લૉન્ચ કર્યા છે. જીપ કંપની લગભગ 70 વર્ષ બાદ ભારતમાં પોતાની ગાડીઓ વેચવા જઈ રહી છે. બીજા વિશ્વયુદ્ધ પછી કંપની ભારતમાં આવી હતી.

લાંબા સમયથી અટકળો ચાલતી હતી કે કંપની કયા મૉડલ્સ સાથે ભારતમાં એન્ટ્રી કરશે. જીપ કંપનીએ 3 વર્ષ પહેલાં ભારત આવવાની જાહેરાત કરી હતી. કંપનીએ જોધપુરમાં પોતાની ગ્લોબલ ફ્લેગશિપ SUV રેંગ્લર અને ગ્રાન્ડ ચેરકી લોન્ચ કરી છે. રેંગ્લરની કિંમત 71.59 લાખ રુપિયા છે, જ્યારે ગ્રાન્ડ ચેરકીના વેરિયન્ટ્સની કિંમત 93.64 લાખ રુપિયાથી શરુ થાય છે.

રેંગ્લરને 1986થી બનાવાવમાં આવે છે. ભારતમાં તેનો લોન્ગ વીલબેસ વાળો વેરિયન્ટ અનલિમિટેડ વેચાશે. આ મોડેલમાં 2.8 લીટરનું 4 સિલિન્ડર ટર્બોચાર્જડ ડીઝલ એન્જિન છે, જે 200PS પાવર અને 460 Nmનો ટોર્ક આપે છે. આમાં 5 સ્પીડ ઓટોમેટિક ટ્રાન્સમિશન છે. હાર્ડટોપ રિમૂવેબલ છે. ઈન્ટિરિયર પણ શાનદાર છે અને પ્રીમિયમ લુક આપે છે.



ગ્રાન્ડ ચેરકીની વાત કરીએ તો તે લક્ઝરી SUV છે. આ ત્રણ વેરિયન્ટ્સમાં ઉપલબ્ધ હશે- લિમિટેડ, સમિટ અને SRT. આની કિંમત ક્રમશ: 93.64 લાખ રુપિયા, 1.03 કરોડ રુપિયા, અને 1.12 કરોડ રુપિયા છે. ચેરકીનું ઈન્ટિરિયક અત્યંત લક્ઝુરિયસ છે. તેમાં સોફ્ટ ફીલ પ્લાસ્ટિક, લેધર અને લાકડાનો ઉપયોગ કરવામાં આવ્યો છે.ફ્રંટ સીટ 8 રીતે એડજસ્ટ થઈ શકે છે. 5 ઈંચની ટચસ્ક્રીન વાળી ઈન્ફોટેનમેન્ટ સિસ્ટમ તેમજ હારમન કાર્ડનના 19 સ્પીકર પણ લાગેલા છે.


બન્ને SUVs માટે બૂકિંગ્સ શરુ થઈ ચુક્યા છે. અને તે માત્ર દિલ્હી અને અમદાવાદમાં જ કરી શકાશે, કારણકે કંપનીના ભારતમાં માત્ર બે જ ડીલર છે.