Kia Sonetનું આજથી ભારતમાં પ્રી-બુકિંગ શરૂ, માત્ર 25,000માં બુક કરાવા આ ધાંસૂ SUV

કિઆ મોટર્સ 20મી ઓગસ્ટથી પોતાની નવી એસયુવી સોનેટ (Sonet)નું પ્રી-બુકિંગ શરૂ કરવા જઈ રહી છે. Kia Sonetનું પ્રી-બુકિંગ દેશભરમાં ઉપસ્થિત કિઆની ડીલરશીપ અથવા ઓનલાઈન કિઆ મોટર્સની વેબસાઈત www.kia.com/in પરથી કરી શકાય છે. આ શાનદાર SUVને ઘર લઈ જવા માટે ગ્રાહકે 25 હજાર રૂપિયાની ટોકન મની આપવાની રહેશે. કિઆ સોનેટની પહેલી ઝલક Auto Expo 2020માં જોવા મળી હતી. આ કારની ભારતીય માર્કેટમાં આતુરતાથી રાહ જોવાઈ રહી હતી.

કિઆ મોટર્સે બુધવારે જાહેરાત કરી હતી કે તે ઔપચારિક રીતે 20મી ઓગસ્ટથી નવી સોનેટ કોમ્પેક્ટ એસયુવીના પ્રી-બુકિંગને શરૂ કરશે. હાલમાં Sonet કારનું નિર્માણ આંધ્ર પ્રદેશના અનંતપુરમાં કરવામાં આવી રહ્યું છે. કંપનીએ ભારતમાં 7મી ઓગસ્ટે આ કારનું ગ્લોબલ ડેબ્યૂ કર્યું હતું.


સેલ્ટોસની જેમ જ Sonetને પણ જીટી લાઈન અને ટેક લાઈન બંનેમાં વેચવામાં આવશે. એન્જિનની વાત કરીએ તો સોનેટમાં બે પેટ્રોલ એન્જિન ઓપ્શન 1.2 લીટર અને 1.0 લીટર ટર્બો જીડીઆઈ મળશે. ડીઝલ એન્જિન ઓપ્શન 1.5 લીટર ટર્બો હશે. ટ્રાન્સમિશન ઓપ્શન્સમાં 5 સ્પીડ મેન્યુઅલ, 6 સ્પીડ મેન્યુઅલ, 6 સ્પીડ ઓટોમેટિક અને 7 સ્પીડ DCT મળશે. સાથે જ 6 સ્પીડ IMT ટ્રાન્સમિશન ટેકનોલોજી પણ મળશે.


ઈન્ટેલિજન્ટ મેન્યુઅલ ટ્રાન્સમિશન, મેન્યુઅલ શિફ્ટ લિવરના કન્ટ્રોલથી ક્લચલેસ ગિયર શિફ્ટિંગ ઉપલબ્ધ કરાવે છે. ડીઝલ એન્જિનની સાથે 6 સ્પીડ ઓટોમેટિક ટ્રાન્સમિશન મળશે, જે ફર્સ્ટ ઈન ક્લાસ ફીચર છે.

મળશે 55 કનેક્ટેડ ફીચર્સKia Sonetમાં 55 કનેક્ટેડ ફીચર્સ છે. તેના કનેક્ટેડ ફીચર્સને સ્માર્ટફોન અને સ્માર્ટવોચની મદદથી એક્સેસ કરી શકાશે. આ માટે કારમાં UVO કનેક્ટેડ ટેકનોલોજી મળશે. તેમાં ફર્સ્ટ ઈન સેગમેન્ટ 10.25 ઈંચની એચડી ટચસ્ક્રીન હાઈટેક ઈન્ફોટેનમેન્ટ સિસ્ટમ હશે. આ ઉપરાંત બોસ 7 સ્પીકર સિસ્ટમ, ઈલેક્ટ્રિક સનરૂફ, ફ્રન્ટ વેન્ટિલેટેડ સીટ્સ, ફ્રન્ટ પાર્કિંગ સેન્સર્સ, સ્માર્ટ પ્યોર એર પ્યોરીફાયર વિથ વાયરસ પ્રોટેક્શન વગેરે ફીચર્સ હશે.