કેવી રીતે બને છે મહિન્દ્રાની ધાંસૂ SUV THAR 700, જુઓ વિડીયો

નવી દિલ્હીઃ મહિન્દ્રાએ ગત મહીને પોતાની ધાંસ એસયૂવી THARનું લિમિટેડ એડિશન લોન્ચ કર્યું. THAR 700ના નામે માર્કેટમાં ઉતારેલી આ ઓફ રોડ એસયૂવીની કિંમત 9.99 લાખ રૂપિયા છે. તેના નામમાં 700 જોડવાનો અર્થ થાય છે કે કંપની આવી માત્ર 700 જ ગાડી બનાવશે. ત્યાર પછી વર્તમાન જનરેશનની THAR બંધ કરી દેવામાં આવશે. સ્ટાન્ડર્ડ મોડલથી અલગ લિમિટેડ એડિશન મહિન્દ્રા થાર 700માં આનંદ મહિન્દારના સિગ્નેચર સ્ટેપ સાથે લિમિટેડ એડિશનનો બેઝ આપવામાં આવ્યો છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો હવે મહિન્દ્રા પોતાની આ ઓફ રોડ એસયૂવીની સફળતાને સેલિબ્રેટ કરવા માટે એક વિડીયો રીલિઝ કર્યો છે. આ વિડીયોમાં જોઈ શકાય છે કે મહિન્દ્રા થારને કેવી રીતે બનાવવામાં આવે છે. જેમાં થારની આઉટર બોડી બનાવવા, લેડર ફ્રેમ ચેસિસ પર બોડી ઈન્સ્ટોલ, ટેલ લાઈટ્સ, એન્જિન, વ્હીલ અને બેઝ કેવ રીતે લગાવવામાં આવે છે તે દેખાડ્યું છે. જુઓ Video સ્પેશિયલ એડિશન થાર 700માં ગ્રિલ પર બ્લેક ફિનિશ, સાઈડ અને બોનેટ પર સ્ટિકર, નવા સ્ટાઈલિશ 5 સ્પોક અલૉય વ્હીલ અને બંપર પર સિલ્વર ફિનિશ આપવામાં આવ્યું છે. ઈન્ટીરિયરની વાત કરીએ તો તેમાં થારની બ્રાન્ડિંગ સાથે નવા લેધર સીટ કવર્સ આપવામાં આવ્યા છે, જે શાનદાર લાગી રહ્યા છે. સ્પેશિયલ એડિશન એબીએસથી સજ્જ છે. થાર 700માં 2.5 લીટર, 4 સિલિન્ડર ડીઝલ એન્જિન છે. આ એન્જિન 105 bhpનો પાવર અને 247Nm પીક ટોર્ક જનરેટ કરે છે. એન્જિન 5-સ્પીડ મેન્યુઅલ ગિયરબોક્સથી સજ્જ છે.