મારુતિએ ચૂપચાપ લોન્ચ કરી દીધી સ્વિફ્ટ લિમિટેડ એડિશન

I am Gujarat

આટલી છે કિંમત

મારુતિએ કોઈ જાહેરાત કર્યા વગર જ સ્વિફ્ટ હેચબેકનું લિમિટેડ વર્ઝન લોન્ચ કરી દીધું છે. આ કારના પેટ્રોલ વેરિયંટની કિંમત 5.45 લાખ અને ડીઝલ વેરિયંટની કિંમત 6.40 લાખથી (એક્સ શો-રુમ દિલ્હી) શરુ થાય છે. લિમિટેડ એડિશનની કિંમત LXi અને VXi મોડેલ્સની આસપાસ જ થાય છે.

નવું શું છે?

આમ તો, તેના એન્જિનમાં અન્ય મોડેલ્સની સરખામણીએ નવું કશું નથી, પરંતુ તેના બોનેટ, સાઈડ્સ અને રુફની ડિઝાઈનમાં થોડો ફેરફાર કરવામાં આવ્યો છે.

ઈન્ટરનલ લૂક

કારમાં સીટની ડીઝાઈન તેમજ સ્ટિયરિંગ વ્હીલના કવરને નવો લૂક અપાયો છે, અને તેમાં ટચસ્ક્રીન ઈન્ફોટેઈન્મેન્ટ સિસ્ટમમાં પણ તમને નવીનતા જોવા મળશે. આ સિસ્ટમ એન્ડ્રોઈડ અને એપલ કારપ્લેને સપોર્ટ કરે છે. કંપનીનો દાવો છે કે, આ કારમાં સ્પીકર્સ એક્સ્ટ્રા બાસ ધરાવે છે, અને કાર્પેટ ફ્લોર મેટ્સ પણ તેમાં નવી ડીઝાઈનની છે.

આવતા વર્ષે સ્વિફ્ટનું નવું મોડેલ આવશે

ફેબ્રુઆરી 2018માં મારુતિ સ્વિફ્ટનું નવું મોડેલ લોન્ચ કરવાની છે, ત્યારે કંપનીએ જૂના સ્ટોકને ક્લિયર કરવા કવાયત શરુ કરી દીધી છે. સ્વિફ્ટ લિમિટેડ એડિશન પણ આ જ કવાયતનો એક ભાગ છે.