મારુતિ સુઝુકીનો રેકોર્ડ, ભારતમાં વેચી 2 કરોડથી વધુ કાર્સ

નવી દિલ્હીઃ મારુતિ સુઝુકી ઈન્ડિયા લિમિટેડ (MSIL)એ આજે એ જાહેરાત કરી કે કંપનીએ ભારતીય બજારમાં 2 કરોડથી વધારે કાર વેચી છે. કંપનીએ 37 વર્ષથી ઓછા સમયમાં આ આંકડો સ્પર્શ કર્યો છે. ભારતમાં કંપનીએ પોતાની પહેલી કાર ડિસેમ્બર 1983માં લોન્ચ કરી હતી. કંપનીએ પહેલી એક કરોડ કાર વેચવા માટે આશરે ત્રણ દશકનો સમય લાગ્યો હતો. બાકીની એક કરોડ કાર કંપનીએ માત્ર 8 જ વર્ષમાં વેચી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો 2 કરોડ કાર વેચનાર પહેલી કંપની આ કંપનીએ ભારતમાં સૌથી પહેલા આઈકોનિક મારુતિ 800 લોન્ચ કરી હતી. જેનું વેચાણ ભારતમાં 14 ડિસેમ્બર 1983ના રોજ શરુ થયું હતું. જે પછી કંપનીએ પાછું વળીને જોયું નથી. ભારતમાં 2 કરોડ કાર વેચનાર પહેલી કંપની બની છે. BS6 અપગ્રેડમાં પણ સૌથી આગળ દેશની દિગ્ગજ ઓટોમોબાઈલ કંપની મારુતિ સુઝુકી પોતાના 8 ટોપ સેલિંગ મોડલ્સને BS6 એન્જિન સાથે લઈને આવી છે. આ મોડલ્સમાં અલ્ટો, સ્વિફ્ટ અને ડિઝાયરનો પણ સમાવેશ થાય છે. તો ટૂ-વ્હીલર બનાવનાર દેશની સૌથી મોટી કંપની હીરો મોટોકોર્પ પણ પોતાની બાઈક અને સ્કૂટર પોર્ટફોલિયોનું આશરે 30 ટકા BS6 એમિશન નોર્મ્સ અનુસાર લઈને આવી છે. BS6 એમિશન નોર્મ્સ આવતા વર્ષે એપ્રિલમાં લાગુ થઈ રહ્યાં છે. BS6 ડીઝલ વેરિયન્ટ નહીં લાવવાનો નિર્ણય મારુતિ સુઝુકીએ સ્વિફ્ટ, બેલેનો, ડિઝાયર અને બ્રેઝા જેવી કાર્સનું BS6 ડીઝલ વેરિયન્ટ નહીં લાવવાનો નિર્ણય કર્યો છે. રસપ્રદ વાત તો એ છે કે કંપનીએ હજુ સુધી S-Cross અને સિયાઝ જેવી મોટી કાર્સના ડીઝલ વેરિયન્ટ્સના અપગ્રેડેશન પર નિર્ણય લીધો નથી. હીરો મોટોકોર્પ માટે BS6 નોર્મ્સ અનુસાર એક ખૂબ જ મોટી પ્રક્રિયામાંથી પસાર થવું પડે છે કારણકે કંપની પાસે આશરે 200 વેરિયન્ટ્સ છે. સૂત્રોનું કહેવું છે કે સ્પ્લેન્ડર, પેશન, HF ડીલક્સ બાઈકના અનેક વેરિયન્ટ્સ અને પ્લેઝર, Maestro Edge સ્કૂટર્સ BS6 નોર્મ્સ હિસાબે આવવાની પ્રક્રિયામાં છે.