Maruti ટૂંક સમયમાં પહેલી ઈલેક્ટ્રિક કાર લોન્ચ કરે તેવી શક્યતા

નવી દિલ્હી: ભારતમાં ઈલેક્ટ્રિક કાર્સની વધી રહેલી ડિમાન્ડ વચ્ચે ટૂંક સમયમાં જ મારુતિ સુઝુકી પણ પોતાની પહેલી ઈલેક્ટ્રિક કાર લોન્ચ કરવાની તૈયારીમાં છે. લેટેસ્ટ મીડિયા રિપોર્ટમાં તો એવું પણ જણાવાઈ રહ્યું છે કે, કંપની પોતાની બેસ્ટ સેલિંગ હેચબેક કાર મારુતિ વેગનઆરનું ઈલેક્ટ્રિક વેરિયન્ટ પણ આવનારા સમયમાં ભારતમાં લોન્ચ કરે તેવી શક્યતા છે. જોકે, કંપનીએ વેનગઆર ઈલેક્ટ્રિક અંગે કોઈ સત્તાવાર જાહેરાત નથી કરી, પરંતુ માનવામાં આવી રહ્યું છે કે, ટૂંક સમયમાં જ ભારતીય માર્કેટમાં સસ્તી ઈલેક્ટ્રિક કાર લોન્ચ કરવામાં આવે તેવી શક્યતા છે.
50 હજાર આપીને ઘરે લાવી શકો છો Maruti Alto, મહિને કેટલો EMI આવશે?
મીડિયા રિપોર્ટસનું માનીએ તો મારુતિ સુઝુકી પોતાની વેનઆર ઈવીને 10 લાખ રૂપિયાની આસપાસની કિંમતમાં લોન્ચ કરી શકે છે અને તેની મહિન્દ્રાની અપકમિંગ ઈલેક્ટ્રિક કાર મહિન્દ્રા ઈકેયુવી100 સાથે સ્પર્ધા થઈ શકે છે. જોકે, વેગનઆર ઈવી ક્યારે લોન્ચ થશે તે અંગે કોઈ નિશ્ચિત ડેડલાઈન નથી, એવામાં ગ્રાહકોને આશા છે કે, આવનારા સમયમાં મારુતિની સસ્તી ઈલેક્ટ્રિક કાર આવી શકે છે અને તે વેગનઆરનું ઈલેક્ટ્રિક વર્ઝન હોઈ શકે છે. હાલ ભારતમાં આવનારા સમયમાં મારુતિ ફ્યુચરો-ઈ પણ ઈન્ડિયન માર્કેટમાં લોન્ચ થવાની છે, જેની કિંમત 15 લાખ રૂપિયાની આસપાસ હોઈ શકે છે.
પેટ્રોલ કાર બની શકશે Electric Car, મારુતિની આ કાર માટે ઈવી કન્વર્ઝન કીટ લોન્ચ થઇ
ગત દિવસોમાં ઘણી વખત મારુતિ વેગનઆરનું સંભવિત ઈલેક્ટ્રિક વેરિયન્ટના રસ્તા પર ટેસ્ટિંગ દરમિયાન ઝલક જોવા મળી છે, જેમાં બધી ખૂબીઓ અંગે તો જાણવા નથી મળ્યું, પરંતુ માનવામાં આવી રહ્યું છે કે, અપકમિંગ વેગનઆર ઈલેક્ટ્રિક લુક અને ફીચર્સની સાથે જ બેટરી રેન્જના મામલે પણ સારી હશે. મીડિયા રિપોર્ટસ મુજબ, વેગનઆર ઈલેક્ટ્રિક એકવખત ફુલ ચાર્જ થવા પર 200 કિલોમીટર સુધી ચાલી શકે છે. આવનારા સમયમાં વેગનઆર ઈવીની બીજી ડિટેલ્સ બહાર આવી જશે.