MGએ નવી ઈલેક્ટ્રિક કાર Comet EV લોન્ચ કરીઃ સિંગલ ચાર્જમાં 230 કિમી સુધી દોડી શકે

MG Comet EV: ભારતીય ઓટોમોબાઈલ સેક્ટરમાં નામના કાઢનારી કંપની Morris Garages India એ હવે તેની લેટેસ્ટ ઈલેક્ટ્રિક કાર Comet EV ભારતમાં લોન્ચ કરી છે. આ કારની કિંમત 7.98 લાખ રૂપિયા રાખવામાં આવી છે જે ઘણી સ્પર્ધાત્મક કહી શકાય. આ કારની ખાસિયત એ છે કે સિંગલ ચાર્જ પર આ ઈલેક્ટ્રિક કારને 230 કિમી સુધી ચલાવી શકાશે. કોમેટ એ ભારતમાં MGની બીજી ઇલેક્ટ્રિક કાર છે. અગાઉ આ કંપનીએ ZS EV લોન્ચ કરી હતી. કોમેટ એ MGની સિસ્ટમ બ્રાન્ડ વુલિંગની Air EVનું જ વર્ઝન છે.

હવે વોટ્સએપ પર મેળવો દરેક મહત્વના અપડેટ્સ, અમારી સાથે જોડાવવા આ લિંક પર ક્લિક કરોMG Comet EV એ બોક્સ જેવી ડિઝાઈન ધરાવતી કોમ્પેક્ટ કાર છે. આ કારમાં બે ડોર છે અને તેમાં ચાર પેસેન્જર બેસી શકે છે. કારની લંબાઈ 2974 મીમી અને પહોળાઈ 1505 મીમી છે. કારની ઉંચાઈ 1640 મીમી છે અને તે 2010 મીમીનો વ્હીલબેઝ ધરાવે છે. આ કાર માત્ર 4.2 મીટરની ત્રિજયામાં વળાંક લઈ શકે છે.

મોરિસ ગરાજની આ કાર 17.3 KWH li-ion બેટરી ધરાવે છે જેને એક વખત ચાર્જ કર્યા પછી તે 230 કિમી સુધી દોડી શકે છે. આ બેટરી પર 16 સેફ્ટી ટેસ્ટ કરવામાં આવ્યા છે અને તે પાણી તથા ધૂળની અસર સામે સુરક્ષિત છે. MG Comet EVની મોટર 42 પીએસ પાવર અને 110 ન્યૂટન મીટર ટોર્ક પેદા કરે છે. આ કાર એક ડિજિટલ કી સાથે આવે છે જેને તમે બે વ્યક્તિ સાથે શેર કરી શકો છો.

કારની અન્ય વિશેષતાઓ
MG Cometમાં 26.04CM ક્લસ્ટર અને 26.04CM ઈન્ફોટેનમેન્ટની સગવડ છે. MG Comet EV કારમાં ફીચર્સની બાબતે કોઈ સમાધાન નથી કરાયું. તેમાં ડ્યુઅલ ફ્રન્ટ એરબેગ્સ, ABS + EBD, રિવર્સ પાર્કિંગ કેમેરા, રિયર પાર્કિંગ સેન્સર, LED રિયર ફોગ લેમ્પ, ફોલો મી હોમ હેડલેમ્પ સહિતના ફીચર્સ છે. આ ઉપરાંત તે ટાયર પ્રેશર મોનિટરિંગ સિસ્ટમ, ફ્રન્ટ અને રિયર સિટ બેલ્ટ રિમાઈન્ડર, ડ્રાઈવ અને કો-ડ્રાઇવર સીટ બેલ્ટ વિથ લોડ લિમિટર, મેન્યુઅલ પાર્કિંગ બ્રેક, મેન્યુઅલ ડે/નાઈટ IRVM, પાવર એડજસ્ટ ORVM, મેન્યુઅલ AC અને હીટર જેવી સગવડ ધરાવે છે.

આ કારને નો-નોનસેન્સ કાર તરીકે ગણાવાઈ છે અને તેમાં 55 સ્માર્ટ ફીચર્સ ઉમેરાયા છે. આ ઉપરાંત તેમાં સ્ટીયરિંગ માઉન્ટેડ ઓડિયો કન્ટ્રોલ, ઇલ્યુમિનેટિંગ એમજી લોગો, હોરાઈઝન ફ્રન્ટ અને રિયર કનેક્ટિંગ લાઈટ્સ છે. MG Comet EV ચાર ડ્યુઅલ ટોન કલર્સ ધરાવે છે.