નવી દિલ્હી: MG મોટર ઈન્ડિયા જુલાઈમાં પોતાની નવી એસયુવી હેક્ટર પ્લસ (MG Hector Plus) લાવી રહી છે. લોન્ચિંગ પહેલા કંપનીએ આ નવી એસયુવીને પોતાની ઓફિશિયલ વેબસાઈટ પર લિસ્ટ કરી દીધી છે. તે ઉપરાંત Hector Plusને ડીલરશિપ સ્ટોકયાર્ડ પર જોવામાં આવી ચૂકી છે, તેનાથી સ્પષ્ટ છે કે, કંપનીએ લોન્ચિંગ પહેલા આ એસયુવીને ડિસ્પેચ કરવાનું પણ શરૂ કરી દીધું છે. હેક્ટર પ્લસને ફેબ્રુઆરીની શરુઆતમાં થયેલા ઓટો એક્સ્પોમાં રજૂ કરાઈ હતી.
5-સીટવાળી હેક્ટરથી અલગ લુક
એમજી હેક્ટર પ્લસ કંપનીની હેક્ટર એસયુવીવાળા પ્લેટફોર્મ પર આધારિત છે. જોકે, હેક્ટરની સરખામણીમાં તેમાં કેટલાક કોસ્મેટિક ફેરફાર કરાયા છે, જે મોટાભાગની એસયુવીના ફ્રન્ટમાં જોવા મળે છે. કંપનીએ ગ્રિલની ચારે તરફ ક્રોમ બોર્ડરને ગ્લોસી બ્લેક ગ્રિલની સાથે બદલી દીધું છે. હેક્ટર પ્લસ નવી એલઈડી ડે-ટાઈમ રનિંગ લાઈટ્સ અને નવા હેડલેમ્પ સાથે આવશે. તેમાં નવા ફ્રન્ટ અને રિયર બંપર, નવી ડિઝાઈનના રિયર ટેલલેમ્પ અને રિવાઈઝ્ડ સ્કિડ પ્લેટ્સ સહિત અન્ય દસ્તાવેજ પણ જોવા મળશે.
ઈન્ટિરિયર અને ફીચર્સ
હેક્ટર પ્લસમાં નવી ટેન ફોકસ લેધર અપહોસ્ટ્રી, બેઝ હેડલાઈનર અને રિવાઈઝ્ડ ડેશબોર્ડ મળશે. તેમાં 3 લાઈનમાં સીટ્સ હશે. બીજી લાઈનમાં કેપ્ટન સીટ્સ મળશે. આ એસયુવી 6 સીટર અને 7 સીટર વર્ઝનમાં ઉપલબ્ધ હશે. તેમાં ત્રીજી લાઈનના પેસેન્જર્સ માટે એર વેન્ટ્સ, રિયર એસી વેન્ટ્સ અને બધા પેસેન્જર્સ માટે એડજેસ્ટેબલ હેડરેસ્ટ મળશે. હેક્ટર પ્લસના બધા ફીચર્સ 5-સીટર હેક્ટર એસયુવીવાળા જ રહેવાની શક્યતા છે. તેમાં કનેક્ટેડ કાર ટેકનોલોજી અને 10.4 ઈંચ ટચસ્ક્રીન ઈન્ફોટેનમેન્ટ સિસ્ટમ સહિત અન્ય સામેલ છે.
પાવર
હેક્ટર પ્લસનું એન્જિન હેક્ટરમાંથી લેવાશે. તેમાં 2.0-લિટર પેટ્રોલ અને 1.5 લિટર માઈલ્ડ-હાઈબ્રિડ પેટ્રોલ એન્જિન સામેલ છે. 6-સ્પીડ મેન્યુઅલ ગિયરબોક્સ બધા એન્જિનની સાથે સ્ટાન્ડર્ડ મળશે. પેટ્રોલ મોડલમાં ડ્યુઅલ-ક્લચ ઓટોમેટિક ટ્રાન્સમિશનનું પણ ઓપ્શન આવશે.
કેટલી હશે કિંમત?
હેક્ટર પ્લસ એસયુવી એમજી મોટરની ભારતમાં ત્રીજી કાર હશે. કંપનીના પ્રોડક્ટ પોર્ટફોલિયોમાં તે 5-સીટવાળી હેક્ટર એસયુવીથી ઉપર હશે. તેની કિંમત હેક્ટરથી થોડી વધુ હશે. 5-સીટવાળી હેક્ટરની કિંમત 12.74 લાખથી 17.73 લાખ રૂપિયાની વચ્ચે છે.
વિપુલ પટેલ છેલ્લા 19 વર્ષ કરતા વધુ સમયથી પત્રકારના ક્ષેત્રમાં છે. કારકિર્દીની શરૂઆતમાં ક્રાઈમ, કોર્ટ અને મ્યુનિસિપલ કોર્પોરેશનનું રિપોર્ટિંગ કરવા ઉપરાંત તેઓ ન્યૂઝ એડિટિંગના કામનો પણ બહોળો અનુભવ ધરાવે છે. તેમણે ગુજરાત યુનિવર્સિટીમાંથી ગ્રેજ્યુએશન (બીએ વિથ ઈંગ્લિશ) કર્યું છે. ત્યારબાદ ડિપ્લામા ઈન જર્નાલિમઝ કરી પત્રકારના ક્ષેત્રમાં જોડાયા. તેઓ વેસ્ટર્ન ટાઈમ્સ, આજકાલ, સંદેશ અને દિવ્ય ભાસ્કર જેવા અખબારોમાં એડિટિંગનું કામ અને દિવ્ય ભાસ્કરની વેબસાઈટમાં પણ કામ કરી ચૂક્યા છે.... વધુ વાંચો
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.