MG હેક્ટર અને Jeep કમ્પાસની ટક્કરમાં Skoda લાવશે આ દમદાર એસયૂવી કાર

સ્કોડા ભારતીય માર્કેટમાં એક નવી કોમ્પેક્ટ એસયૂવી કાર લાવી રહી છે. આ એસયૂવી આગામી વર્ષે એપ્રિલમાં લોન્ચ થશે. સ્કોડા ઓટો ઈન્ડિયાના સેલ્સ, સર્વિસ એન્ડ માર્કેટિંગ ડિરેક્ટર જેક હોલિસએ તેની પુષ્ટિ કરી છે. શરૂઆતમાં આ એસયૂવી માત્ર પેટ્રોલ એન્જિનમાં ઉપલબ્ધ કરાવાશે. ભારતમાં તેને CBU યુનિટ (સંપૂર્ણ રીતે બનેલી)ના રૂપમાં લાવવામાં આવશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: સ્કોડા કૈરક ભારતીય માર્કેટમાં કોમ્પેક્ટ એસયૂવી સેગમેન્ટની પ્રીમિયમ એન્ડની કાર્સને ટક્કર આપશે. જેમાં એમજી હેક્ટર, જીપ કમ્પાસ અને હ્યુંડાઈ ટૂસૉન જેવી એસયૂવી શામેલ છે. સ્કોડાના મોટાભાગના મોડલ્સની જેમ આ નવી એસયૂવીનો લુક પણ મસ્ક્યુલર અને અગ્રેસિવ છે. કૈરક એસયૂવીમાં એન્ડ્રોઈડ ઓટો અને એપલ કાર પ્લે સપોર્ટ સાથે આવતી મોટી ટચસ્ક્ર્રીન ઈન્ફોટેનમેન્ટ સિસ્ટમ હશે. આ ઉપરાંત તેમાં ડ્યૂઅલ-જોન ક્લાઈમેટ કંટ્રોલ સાથે સીટ્સ પર લેધર અપહોલ્સ્ટ્રી મળશે. એસયૂવીમાં કેબિન માટે બે કલર ઓપ્શન હશે. એન્જિન જેક હોલિસે સ્કોડા કૈરકના એન્જિન સ્પેસિફિકેશન્સ વિશે જાણકારી આપી નથી, પરંતુ એટલું સ્પષ્ટ કર્યું છે કે કારમાં શરૂઆતમાં માત્ર પેટ્રોલ એન્જિન આપવામાં આવશે. આ એસયૂવીને 113bhpનો પાવર અને 175Nm પીક ટોર્ક જનરેટ કરનારું 1-લીટર એન્જિન અથવા 148bhpનો પાવર અને 250Nm પીક ટોર્ક જનરેટ કરનારા 1.5 લીટર એન્જિન સાથે લોન્ચ કરી શકાય છે. ઈન્ટરનેશનલ માર્કેટમાં આ બંને એન્જિન સાથે એસયૂવી પહેલાથી ઉપલબ્ધ છે. માનવામાં આવી રહ્યું છે કે કંપની માર્કેટ ફીડબેકના આધારે તેમાં બીએસ6 ડિઝલ એન્જિન શામેલ કરી શકે છે.