સુઝુકીનું મિશન 2020: સેટ કર્યો આ મોટો ટાર્ગેટ

I am Gujarat

સુઝુકીએ સેટ કર્યો મોટો ટાર્ગેટ

નવી દિલ્હી: સુઝુકીએ 2020 સુધી પોતાના ટુ-વ્હીલર્સના એન્યુઅલ સેલ્સને 10 લાખ પાર લઈ જવા માગે છે અને કંપનીએ આને પોતાનો આગામી ટાર્ગેટ બનાવ્યો છે. કંપની નવા માસ માર્કેટ સ્કૂટર્સ અને પ્રીમિયમ બાઈક્સ પર ફોકસ કરશે જેથી આ ટાર્ગેટને હાંસલ કરી શકાય.

ટૂ-વ્હીલર માર્કેટમાં ભાગીદારી વધારવા માગે છે સુઝુકી

સુઝુકીએ સ્વીકાર્યું છે કે, છેલ્લા કેટલાક વર્ષોમાં તેની પ્રોડક્ટ સ્ટ્રેટેજી યોગ્ય રહી નથી. જોકે, કંપનીએ હવે નવો ટાર્ગેટ સેટ કર્યો છે અને તે આના માટે પૂરી રીતે તૈયાર હોવાનો દાવો કરી રહી છે. ગત વર્ષે સુઝુકીએ કુલ 3.5 લાખ ટુ-વ્હીલર્સ વાહન વેચ્યા હતા. આને જોતા લાગે છે કે, તેના માટે આ ટાર્ગેટ મેળવવો આસાન નહીં રહે. કંપનીએ આ વર્ષે 5 લાખ ટૂ-વ્હીલર્સ વેચવાનો ટાર્ગેટ મૂક્યો છે. જ્યારે આગામી વર્ષે આ વધારીને 7 લાખ સેટ કર્યો છે. સુઝુકી પોતાનો માર્કેટ શેર 2.5 ટકાથી વધારીને 10 ટકા કરવા માગે છે.

કરશે 1 હજાર કરોડનું રોકાણ

પ્રતિ વર્ષ 10 લાખ ટૂ-વ્હીલર્સના ટાર્ગેટને મેળવવા માટે કંપની નવી પ્રૉડક્ટ્સ અને ટેકનિકનો સહારો લેશે. આના માટે કંપની 1 હજાર કરોડનું રોકણ કરશે. કંપની પોતાના ડિલરશિપ નેટવર્કને પણ વિસ્તારશે.