આ કંપની ભારતમાં લોન્ચ કરી રહી છે નવી SUV, જાણો તેની કિંમત અને બુકિંગ ડિટેઈલ્સ

I am Gujarat

કંપની લાવી રહી છે પોતાની નવી SUV

નવી દિલ્હીઃ ટાટા મોટર્સની નવી SUV હેરિયર ભારતમાં લોન્ચ થવા જઈ રહી છે. પહેલા H5X SUV કોન્સેપ્ટ મોડલ તરીકે આવી રહેલી આ કાર માટે ભારે ક્રેઝ જોવા મળી રહ્યો છે. આ કંપનીની પ્રીમિયમ SUV કાર છે. તેનું બુકિંગ 50,000 રૂપિયામાં શરૂ થશે તેવા સમાચાર સામે આવ્યા હતા. તેને લઈને ટાટા મોટર્સે સ્થિતિ સ્પષ્ટ કરી છે. ટાટા મોટર્સ અનુસાર હેરિયરની બુકિંગ હજુ શરૂ કરવામાં આવી નથી.

બુકિંગની ઈનવોઈસ કોપી વાઈરલ

ઈન્ટરનેટ પર એક ઈનવોઈસની કોપી અપલોડ કરવામાં આવી હતી. જેમાં Tata Harrier BSIV મોડલનું બુકિંગ 50,000 રૂપિયામાં કરાવ્યું હોવાનો દાવો કરવામાં આવી રહ્યો હતો. કંપનીનું કહેવું છે આ કારને લઈને લોકોમાં ઉત્સાહ જોવા મળી રહ્યો છે. ટાટા હેરિયરને કંપની ભારતમાં આગામી વર્ષની શરૂઆતમાં લોન્ચ કરશે.

ઓમેગા પ્લેટફોર્મ પર તૈયાર કરાઈ છે આ કાર

આ ટાટાની પ્રીમિયમ SUV કાર છે જે ઓમેગા પ્લેટફોર્મ પર તૈયાર કરવામાં આવી છે. તેની ડિસ્કવરીમાં સ્પોર્ટનો વીલબેઝ હશે. પ્રોડક્શન મોડલ ઘણી રીતે કોન્સેપ્ટ મોડલ જેવું જ રહેશે તેવી આશા છે. હેડલેમ્પમાં એલઈડી ડીઆરએલ્સથી સજ્જ કરી શકે છે.

પાવરફુલ હશે કારનું એન્જિન

Jeep Compassમાં જે એન્જિન આપવામાં આવે છે તે જ એન્જિન આ કારમાં આપવામાં આવ્યું છે. ટ્રાંસમિશન માટે તેમાં 6 સ્પીડ મેન્યુઅલ, 9 સ્પીડ ઓટોમેટિકનું ઓપ્શન હશે.