5 સ્ટાર રેટિંગવાળી Tata Altroz લોન્ચ, 5.50 લાખથી પણ ઓછી છે કિંમત

ટાટા મોટર્સની મોસ્ટ અવેઈટેડ પ્રીમિયમ હેચબેક કાર Tata Altroz લોન્ચ થઈ ચૂકી છે. દિલ્હીમાં આ કારની શરૂઆતની કિંમત 5.29 લાખ રૂપિયા રાખવામાં આવી છે. જ્યારે તેના ટોપ વેરિયન્ટની કિંમત 9.39 લાખ રૂપિયા છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ટાટા મોટર્સે પાછલા વર્ષે 3 ડિસેમ્બરે Altrozને રજૂ કરી હતી. આ બાદ જાન્યુઆરીમાં ટાટા અલ્ટ્રોઝને સેફ્ટી માટે 5 સ્ટાર રેટિંગ મળી હતી. જેને મતલબ એવો થયો તે Altroz ટાટાની બીજી એવી કાર છે જે સૌથી સુરક્ષિત છે. આ પહેલા નેક્સનને પણ 5 સ્ટાર રેટિંગ્સ મળ્યા છે. આ કારને ટાટા મોટર્સે ઓટો એક્સપો 2018માં રજૂ કરી હતી. ટાટા Altrozનું પ્રી બુકિંગ માત્ર 21 હજાર રૂપિયામાં થઈ રહ્યું છે. તેના બુકિંગ માટે https://bookonline.tatamotors.com/altroz/#/variant વેબસાઈટ પર વિઝિટ કરવાનું રહેશે. ટાટા મોટર્સ આ કારને 5 વેરિયન્ટ XZ(O), XZ, XT, XM અને XEમાં રજૂ કરી છે. તેમાં પેટ્રોલ અને ડીઝલ બે ઓપ્શન મળશે. જ્યારે ટોપ વેરિયન્ટમાં હાઈ સ્ટ્રીટ ગોલ્ડ, ડાઉનટાઉન રેડ, એવેન્યૂ વ્હાકલ કલર ઉપલબ્ધ છે. શું છે ફીચર્સ ટાટા અલ્ટ્રોઝના ફીચર્સની વાત કરીએ તો આ બે એન્જિન ઓપ્શનમાં છે. તેમાં 86 bhpના પાવરવાળું 1.2 લિટર પેટ્રોલ અને 90 bhpવાળું 1.5 લીટર ડીજલ એન્જિન છે. બંને એન્જિન BS6 કમ્પ્લાયન્ટ સાથે હશે. આ સાથે કારમાં 5-સ્પીડ મેન્યુઅલ ગિયરબોક્સ આવશે. ટાટાની આ કારનો મુકાબલો મારુતિ સુઝુકી બલેનો અને હ્યુંડાઈની Elite i20 સાથે હશે.