તાતાની આ કાર્સ પર મળી રહ્યું છે 1 લાખ સુધીનું ડિસ્કાઉન્ટ

I am Gujarat

તાતાની કાર્સમાં હેવી ડિસ્કાઉન્ટ

નવી દિલ્હી: જો તમે લાંબા સમયથી કાર લેવાનું પ્લાનિંગ કરી રહ્યાં હોય તો આ સમય તમારા માટે બેસ્ટ છે. હાલમાં ઘણી કાર નિર્માતા કંપનીઓ પોતાના વ્હીકલ્સ પર ભારે ડિસ્કાઉન્ટ આપી રહી છે. આમાં તાતા મોટર્સે પણ પોતાની ઘણી કાર્સ પર ભારે ડિસ્કાઉન્ટની જાહેરાત કરી છે. કંપની ઘણા મોડલ્સ પર લગભગ 1 લાખ રૂપિયા સુધીની છૂટ આપી રહી છે. આની સાથે જ કંપની 1 રૂપિયામાં ઈન્શ્યોરન્સ, સ્ક્રેચ એન્ડ વિન અને એક્સટ્રા એક્સચેન્જ બોનસ પણ આપી રહી છે.

આ મોડલ્સ પર મળશે છૂટ

કંપનીએ ‘મેક્સિમમ માર્ચ એક્સચેન્જ’ બોનસ ઑફર રજૂ કરી છે. 6થી 11 માર્ચ સુધી ચાલનારી આ ઑફરમાં કંપની 2018ના મોડલ્સ પર ડિસ્કાઉન્ટ આપી રહી છે. આ ઑફર અંતર્ગત કંપની હેક્સા, ટિયાગો, ટિગોર, જેસ્ટ અને સફારી સ્ટૉર્મ પર છૂટ આપી રહી છે.

તાતા હેક્સા

તાતા હેક્સા પર 1 લાખ રૂપિયા સુધીનું ડિસ્કાઉન્ટ અને 15 હજાર રૂપિયા સુધીની વધારાની એક્સચેન્જ ઑફર આપવામાં આવી રહી છે. હેક્સાની હાલમાં એક્સ શો રૂમ કિંમત 11.85 લાખ રૂપિયા છે.

ટિયાગો

આ ઉપરાંત બજેટ કાર તાતા ટિયાગો પર પણ કંપની 28 હજારનું ડિસ્કાઉન્ટ આપી રહી છે. કારની હાલની એક્સ શો રૂમ કિંમત 3.26 લાખ રૂપિયા છે.

ટિગોર

4.71 લાખની કિંમત ધરાવતી તાતા ટિગોર પર કંપની 32 હજારના ડિસ્કાઉન્ટની સાથે 10 હજારનું વધારાનું એક્સચેન્જ બોનસ આપી રહી છે.

ઝેસ્ટ

આ ઉપરાંત તાતા ઝેસ્ટ પર કંપની 65 હજાર રૂપિયાનું ડિસ્કાઉન્ટ અને 10 હજાર રૂપિયાનું એક્સ્ટ્રા એક્સચેન્જ બોનસ આપી રહી છે.

સફારી સ્ટૉર્મ

આ જ રીતે યુવાનો અને કોર્પોરેટમાં ખૂબ પોપ્યુલર રહેલી સફારી સ્ટૉર્મ પર કંપની 80 હજારનું ભારે ડિસ્કાઉન્ટ આપી રહી છે. જણાવી દઈએ કે, આ ડિસ્કાઉન્ટ સાથે કંપનીની કેટલીક શરતો પણ છે.