12 રૂપિયામાં 60 કિમી ચાલશે નવું ઈલેક્ટ્રિક મોપેડ 'સાથી'

નવી દિલ્હી: Techo Electra એક નવું ઈલેક્ટ્રિક મોપેડ લઈને આવી છે. આને Techo Electra Saath નામથી રજૂ કરવામાં આવ્યું છે. આની કિંમત 57,697 રૂપિયા છે (પુણેમાં ઑન રોડ). કંપનીની વેબસાઈટ પરથી આ ઈલેક્ટ્રિક મોપેડને બુક કરી શકાય છે. Techo Electraની ડિલિવરી સપ્ટેમ્બરના બીજા સપ્તાહમાં શરૂ થશે.

ટેકો ઈલેક્ટ્રાનું આ મોપેડ ઘણા શાનદાર ફીચર્સથી સજ્જ છે. આમાં LED હેડલાઈટ, સેન્ટ્રલ લૉકિંગ સિસ્ટમ, એન્ટી-થેફ્ટ અલાર્મ, સ્માર્ટ રિપેર ફંક્શન, ફ્રન્ટ અને રિયર બાસ્કેટ અને ફાસ્ટ ચાર્જિંગ જેવા ફીચર આપવામાં આવ્યા છે. 'સાથી' મોપેડમાં બંને તરફ ટેલિસ્કૉપિક સસ્પેન્શન, બ્લેક અલૉય વ્હીલ્સ, 10-ઈંચ ટ્યૂબલેસ ટાયર અને ડ્રમ બ્રેક જેવી ખાસિયતો પણ છે.

રેન્જ અને ચાર્જિંગ ટાઈમ

ટેકો ઈલેક્ટ્રાનો દાવો છે કે, સાથી મોપેડ એક વખત ફુલ ચાર્જ કરવા પર 60-70 કિલોમીટર ચાલશે. આમાં BLDC મોટર અને 48V 26 Ah Li-ion બેટરી આપવામાં આવી છે. બેટરીનું મોપેડ વિના વજન 50 કિલોગ્રામથી પણ ઓછું છે. આની બેટરીને ફુલ ચાર્જ કરવામાં 3-4 કલાકનો સમય લાગે છે.

12 રૂપિયામાં 60 કિમી

કંપનીનો દાવો છે કે, સાથી મોપેડને એકવાર ચાર્જ કરવા માટે માત્ર 1.5 યૂનિટ વિજળી વપરાશે. આ રીતે માત્ર 12 રૂપિયાના ખર્ચમાં તે 60 કિમી સુધી ચાલશે. તેની ટૉપ સ્પીડ 25 કિમી પ્રતિ કલાક છે.

સાઈઝ

ટેકો ઈલેક્ટ્રા સાથીની લંબાઈ 172mm, પહોળાઈ 620mm અને ઊંચાઈ 1050mm છે. તે સ્ટીલ-રેનફોર્સ્ડ ચેસિસ પર આધારિત છે. માર્કેટમાં તેની ટક્કર Gemoai Miso સાથે થશે.