સુનીલ ધવન, નવી દિલ્હી દેશમાં ઈન્શ્યોરન્સને રેગ્યુલેટ કરનારી એજન્સી IRDAIએ 2018-19 માટે થર્ડ-પાર્ટી મોટર ઈન્શ્યોરન્સ માટે પ્રીમિયમ રેટ ઘટાડી દીધા છે. IRDAIએ 28 માર્ચે સર્ક્યુલર જારી કરી જણાવ્યું છે કે, ઈન્શ્યોરન્સ પ્રીમિયમના નવા રેટ્સ આગામી નાણાંકિય વર્ષ એટલે કે 1 એપ્રિલથી પ્રભાવી થશે. IRDAIએ 1000 સીસીથી ઓછા એન્જિન ક્ષમતાવાળી કારો માટે પ્રીમિયમ 2,055 રૂપિયાથી ઘટાડી 1,850 રૂપિયા કરી દીધું છે. 1000 સીસીથી વધુની ક્ષમતાના એન્જિનવાળી કારો માટે પ્રીમિયમ રેટ્સમાં કોઈ ફેરફાર નથી કરાયો. ઉલ્લેખનીય છે કે, બધી કારો માટે થર્ડ-પાર્ટી ઈન્શ્યોરન્સ અનિવાર્ય હોય છે. થર્ડ-પાર્ટી ઈન્શ્યોરન્સના નવા દર દ્વીચક્રી વાહનોના ઈન્શ્યોરન્સમાં પણ ફેરફાર કરી દેવાયો છે. 75 સીસીથી ઓછા એન્જિનવાળા ટુ-વ્હીલર્સ માટે પ્રીમિયમ 569 રૂપિયાથી ઘટાડીને 427 રૂપિયા કરી દેવાયું છે. એન્ટ્રી લેવલ બાઈક્સ એટલે કે 75થી 150 સીસીની ક્ષમતાના એન્જિનવાળી બાઈક્સના પ્રીમિયમમાં કોઈ ફેરફાર નથી કરાયો. IRDAIએ સુપર બાઈક્સ (350 સીસીથી વધુની એન્જિન ક્ષમતા) પર પ્રીમિયમને બેવડું કરી દીધું છે. 150થી 350 સીસીની કેટેગરીની બાઈક્સ માટે પણ પ્રીમિયમ 887 રૂપિયાથી વધારીને 985 રૂપિયા કરી દેવાયું છે. થર્ડ-પાર્ટી ઈન્શ્યોરન્સના જૂના દર શું છે થર્ડ-પાર્ટી ઈન્શ્યોરન્સ? કોઈ વ્હીકલના કારણે કોઈ અન્ય વાહનને કંઈ નુકસાન થાય છે તો તે લાયલિબિટી-ઓનલી પોલિસી કવર (LOPC) કે થર્ડ-પાર્ટી ઈન્શ્યોરન્સ કહેવાય છે, જે અનિવાર્ય પણ હોય છે. થર્ડ-પાર્ટી ઈન્શ્યોરન્સ અંતર્ગત 2011થી ટેરિફ IRDAI જ નક્કી કરે છે. થર્ડ-પાર્ટી ઈન્શ્યોરન્સ માત્ર તમારી બાઈક કે કારથી બીજા વ્હીકલ અને પ્રોપર્ટીને નુકસાનને કવર કરે છે. તેમાં તમારી ગાડીના એક્સિડન્ટ, ચોરી કે ડેમેજને કવર નથી કરવામાં આવતું.