Pics: ફોર્ચ્યુનરના સામ્રાજ્યને ટક્કર આપવા આવી રહી છે MG અને ફોક્સવેગનની SUV

નવી દિલ્હીઃ Toyota Fortunerનો 7-સીટર પ્રીમિયમ એસયુવી સેગમેન્ટમાં દબદબો છે. કંપનીએ નવી જનરેશન ફોર્ચ્યૂનરને વર્ષ 2016માં શરુઆતમાં જ લોન્ચ કરી હતી. હવે ટોયોટા તેના ફેસલિફ્ટ વર્ઝન પર કામ કરી રહી છે. ફોર્ચ્યૂનરનું ફેસલિફ્ટ વર્ષ 2020ની શરુઆતમાં લોન્ચ થવાનું છે. આ ઉપરાંત 2 નવી 7 સીટર પ્રીમિયમ એસયુવી ભારતીય બજારમાં આવશે. જે ફોર્ચ્યૂનરને ટક્કર આપશે. જેમાં એક એમજી મોટર અને બીજી ફોક્સવેગનની એસયુવી છે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો લોન્ચ થશે 7-સીટર મોડલ હેક્ટરને સારો રિસ્પોન્સ મળ્યા પછી એમજી મોટર ભારત માટે નવી ચાર એસયુવી પર કામ કરી રહ્યું છે. કંપની 2020ની શરુઆતમાં eZS ઈલેક્ટ્રિક એસયુવી અને હેક્ટરની 7-સીટર મોડલ લોન્ચ કરશે. આ સાથે જ એમજી મોટર હ્યુન્ડાઈ ક્રેટા અને કિઆ સેલ્ટોસ જેવી કારની ટક્કરમાં એક કોમ્પેક્ટ એસયુવી પણ તૈયાર કરી રહી છે. આ ઉપરાંત કંપની Maxus D90 નામની એક 7-સીટર પ્રીમિયમ એસયુવીનું પણ ટેસ્ટિંગ કરી રહી છે. જે ફોર્ચ્યૂનરની ટક્કરમાં આવશે. MG મેક્સસ ડી90માં શું છે ખાસ? MG મેક્સસ ડી90ને ભારતીય બજારમાં વર્ષ 2020ના છ મહિનામાં લોન્ચ કરવાનું પ્લાનિંગ છે. ભારતમાં તેને અલગ નામથી લોન્ચ કરવામાં આવશે. જોકે, તેની ડિઝાઈન અને ઈન્ટિરિયર ચીનના મોડલ જેવું જ હશે. લાઈટ ટ્રક પ્લેટફોર્મ પર બનેલી મેક્સસ ડી90ની લંબાઈ 5,005mm, પહોળાઈ 1,932mm, ઉંચાઈ 1,875mm અને વ્હીલબેઝ 2,950mm છે. આ ટોયોટા ફોર્ચ્યૂનર અને ફોર્ડ એન્ડેવરથી લાંબી અને પહોળી છે. આવી હશે ગિયર સિસ્ટમ મેક્સસ ડી90ના ચાઈનીઝ મોડલમાં 2.0 લીટર, ટર્બોચાર્જ્ડ પેટ્રોલ એન્જિન છે. આ 221 bhpનો પાવર અને 360 Nm પીક ટોર્ક જનરેટ કરે છે. આ સાથે 6-સ્પીડ મેન્યુઅલ અને 6-સ્પીડ ઓટોમેટિક ગિયરબોક્સના ઓપ્શન છે. ફોક્સવેગન ટિગુઆન ઓલસ્પેસ ફોર્ચ્યૂનરની ટક્કરમાં આવનારી બીજી એસયુવી ફોક્સવેગનની છે. જર્મનીની કાર કંપની ફોક્સવેગન ભારતમાં પોતાની 7-સીટર Tiguan લોન્ચ કરવાની તૈયારીમાં છે. ટિગુઆન ઓલસ્પેસ નામની આ એસયુવીને ફેબ્રુઆરી 2020માં થનારા ઓટો એક્સ્પોની આસપાસ રજૂ થશે તેવી આશા સેવાઈ રહીછે. જેમાં 143bhp પાવરનું 2.0 લીટર ડીઝલ એન્જિન હશે.