Tata Harrier કાર પર કંપની આપી રહી છે ₹80,000 સુધીનું ડિસ્કાઉન્ટ

નવી દિલ્હીઃ ભારતમાં હવે ફેસ્ટિવલ સીઝન બહુ દૂર નથી. ટાટા મોટર્સ હાલ તેમના લગભગ તમામ ઉત્પાદનો પર ડિસ્કાઉન્ટ આપી રહી છે. કંપનીની લોકપ્રિય એસયુવી કાર ટાટા હેરિયર પર પણ ડિસ્કાઉન્ટ મળશે. ટાટા હેરિયર કંપનીની સૌથી વધુ ચર્ચિત કાર છે. જો તમે આ ટાટા કાર ખરીદવાનું વિચારી રહ્યા છો તો તમારા માટે આ એક સારી તક છે.

80 હજાર રૂપિયા સુધીનું ડિસ્કાઉન્ટ
ટાટા હેરિયર પર સપ્ટેમ્બર મહિનામાં 80 હજાર રૂપિયા સુધીનું ડિસ્કાઉન્ટ મળી રહ્યું છે. જેમાં 25,000 રૂપિયાનું કન્ઝ્યુમર ડિસ્કાઉન્ટનો સમાવેશ છે. આ સિવાય આ કારની ખરીદી પર 40,000 નું એક્સચેંજ બોનસ પણ ઉપલબ્ધ છે. આ સિવાય રૂ .15,000 નું બોનસ પણ ઉપલબ્ધ છે. આ રીતે, સપ્ટેમ્બર મહિનામાં તમને આ કાર પર કુલ 80,000 રૂપિયાનું ડિસ્કાઉન્ટ મળી શકે છે.

ટાટાએ જાન્યુઆરીમાં આ કાર ભારતમાં લોન્ચ કરી હતી. ટાટા હેરિયર નવા OMEGARC પ્લેટફોર્મ પર બનાવવામાં આવી છે, જેને ટાટા મોટર્સ અને જૈગવાર લેન્ડ રોવર દ્વારા ડેવલપ કરવામાં આવ્યું છે. ટાટા મોટર્સની આ નવી એસયુવી ચાર વેરિયન્ટમાં રજૂ કરી હતી. જેમાં XE, XM, XT અને XZ નો સમાવેશ થાય છે. ટાટા હેરિયરની લંબાઈ 4598 mm, પહોળાઈમાં 1894 mm અને ઉંચાઇ 1706 mm છે. હેરિયરમાં વ્હીલબેસ 2741 mm અને ગ્રાઉન્ડ ક્લિયરન્સ 205 mm છે. આ શાનદાર કારમાં તમને 50 લિટરની ક્ષમતાની ફયૂલ ટેન્ક મળશે. આ સિવાય 17 ઇંચના એલોય વ્હીલ્સમાં રેડિયલ ટાયર આપવામાં આવ્યા છે.

હેરિયરમાં 2.0- લીટર ક્રાયોટેક ડીઝલ એન્જિન આપવામાં આવ્યું છે. આ એન્જિન 3750 rpm પર 140 PS નો પાવર અને 1750-2500 rpm પર 350 Nm પીક ટોર્ક જનરેટ કરે છે. આ 4 સિલિન્ડર મોટર 6- સ્પીડ મેન્યુઅલ ગિયરબોક્સથી સજ્જ છે.