પીઢ અભિનેત્રી વહીદા રહેમાને ખરીદી BMW 5 Series કાર, જાણો કિંમત અને ફીચર્સ સહિતની માહિતી

Waheeda Rehman buys BMW 5 Series: પદ્મશ્રી તેમજ પદ્મભૂષણ એવોર્ડથી સન્માનિત પીઢ અભિનેત્રી વહીદા રહેમાને BMW 5 Seriesની લક્ઝુરિય કાર ખરીદી છે. મુંબઈ બેઝ્ડ BMW ડીલરશીપ દ્વારા હાલમાં જ તેઓને આ કાર ડિલિવર કરવામાં આવી છે. જેની તસવીરો સોશિયલ મીડિયામાં શેર કરવામાં આવી હતી. 1955માં તેલુગુ ફિલ્મ Rojulu Marayiથી વહીદા રહેમાને કારકિર્દીની શરૂઆત કરી હતી અને ભારતીય ફિલ્મ ઈન્ડસ્ટ્રીમાં તેમનું નામ સન્માન સાથે લેવામાં આવે છે. તેઓએ ગાઈડ, પ્યાસા, કાગઝ કા ફૂલ, સાહિબ બીવી ઓર ગુલામ, લમ્હે જેવી અનેક શાનદાર ફિલ્મ્સમાં કામ કર્યું છે. છેલ્લે વહીદા રહેમાન નેટફ્લિક્સની ફિલ્મ Skater Girlમાં જોવા મળ્યા હતા. વહીદા રહેમાનની BMW 5 Series M Sport ટ્રીટમેન્ટ સાથે અદભૂત બ્લુસ્ટોન મેટાલિક શેડ (ગ્રે)માં જોવા મળે છે. BMW 5 Series એ બાવેરિયન કાર નિર્માતા તરફથી વેચાણ પરની સૌથી લોકપ્રિય લક્ઝરી સેડાન કાર પૈકીની એક છે. અને તે પ્રદર્શન અને લક્ઝરીનું શાનદાર મિશ્રણ પ્રદાન કરે છે. આ કારને 2021માં નવો લૂક આપવામાં આવ્યો હતો. જેમાં વિશાળ ટ્વિન-કિડની ગ્રિલ, એડેપ્ટિવ LED લેસર ટેક્નોલોજી સાથે રિવાઈઝ્ડ હેડલેમ્પ્સ અને નવા L-આકારના LED DRLs લગાવવામાં આવ્યા હતા. રિયરમાં સ્પોર્ટ્સ L-આકારની 3D સિગ્નેચર LED લાઇટ્સ છે, જે સેડાનના શાર્પ લૂકમાં ઉમેરો કરે છે.

વહીદ રહેમાને BMW 5 Series 530i M Sport કારને પસંદ કરી છે. તેમાં 248 bhp અને 350 Nm પીક ટોર્ક સાથે 2.0-લિટર પેટ્રોલ એન્જિન આપવામાં આવ્યું છે. આ ઉપરાંત તેમાં 188 bhp અને 400 Nm સાથે 520d લક્ઝરી લાઈન પર 2.0-લિટર ડીઝલ એન્જિન પણ છે અને 3.0-લિટર ડીઝલ સાથે વધુ શક્તિશાળી 530d એન્જિન છે, જે 261 bhp અને 620 Nmનો પાવર આપે છે. ત્રણેય એન્જિન પાછળના વ્હીલ્સને પાવર મોકલતા 8-સ્પીડ ઓટોમેટિક ટ્રાન્સમિશન સાથે જોડાયેલા છે. 5 સિરીઝની કિંમત ₹64.50 લાખથી ₹74.50 લાખ રૂપિયા (એક્સ-શોરૂમ, ભારત) સુધીની છે. 5 સિરીઝ ઉપરાંત, રહેમાન eighth-generation Honda Accordના પણ માલિક છે.

BMW 5 સિરીઝ પરની કેબિન જર્મન ઓટોમેકરની તમામ કારમાં જોવા મળતી આકર્ષક ડિઝાઇન સાથે લક્ઝરીથી ભરેલી છે. તે Apple CarPlay અને Android Auto સાથે 10.25-ઈંચની ઈન્ફોટેઈનમેન્ટ સ્ક્રીન, સેન્સેટેક (લેથરેટ) અપહોલ્સ્ટરી, તેમજ 12.3-ઈંચ ડિજિટલ ઈન્સ્ટ્રુમેન્ટ કન્સોલ, એમ્બિયન્ટ લાઈટિંગ, 360-ડિગ્રી કેમેરા, ચાર-ઝોન ક્લાઇમેટ કંટ્રોલ સહિતના અઢળક ફીચર્સ સાથે આવે છે.