પેટ્રોલ-ડીઝલનું ટેન્શન કાયમ માટે ખતમ થશે? હવે પાણીથી દોડશે કાર!

નવી દિલ્હીઃ ઈલેક્ટ્રિક કાર્સને દુનિયાભરમાં પ્રોત્સાહન મળી રહ્યું છે, જેથી પેટ્રોલ-ડીઝલનો વપરાશ ઓછો કરી શકાય અને દુનિયા પોલ્યુશન ફ્રી ટાન્સપોર્ટ તરફ આગળ વધે. આ વચ્ચે ઈઝરાયલમાં એન્જિનિયરોની એક ટીમે એક ઉપાય શોધ્યો છે કે કાર ચાલવવા માટે પેટ્રોલ-ડીઝલનું ટેન્શન ખતમ કરી શકે છે. આ ટીમે એક ખાસ એન્જિન પ્રોટોટાઈપ બનાવ્યું છે, જે ઈથેનોલ સાથે પાણીથી ચાલે છે. ખાસ વાત એ છે કે આ એન્જિનથી ચાલકી કાર ઓછું પ્રદૂષણ કરશે અને વધારે માઈલેજ આપશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: આ એન્જિન પ્રોટોટાઈપને MayMaan રિસર્ચ LLC નામની કંપનીએ ડેવલપ કર્યુ છે. આ એક પારંપરિક પિસ્ટન એન્જિન છે, જે 70 ટકા પાણી અને 30 ટકા એથેનોલ અથવા અન્ય પ્રકારના આલ્કોહોલના કોમ્બિનેશન પર ચાલે છે. આ એન્જિન માટે ડીઝલ કે પેટ્રોલની કોઈ જરૂર નથી પડતી. કંપનીનું કહેવું છે કે તેનાથી વધારે ખાસ વાત એ છે કે કારના એન્જિનમાં સામાન્ય ફેરફાર કરીને તેને પાણી-એથેનોલથી ચાલતું એન્જિન બનાવી શકાય છે. તેનાથી પેટ્રોલ-ડીઝલ પર ખર્ચ ઘટવાની સાથે પોલ્યુશન પણ ઓછું થશે. મેમાન રિસર્ચે ચાર પ્રોટોટાઈપ બનાવ્યા છે, જેમાંથી એક સંપૂર્ણ રીતે ફંક્શનલ કાર, એક પાવર જનરેટર અને બે અન્ય પ્રકારના એન્જિન શામેલ છે. આ એન્જિન પાવરફુલ પરફોર્મન્સ સાથે સારી માત્રામાં ટોર્ક જનરેટ કરવામાં સક્ષમ છે. ઈઝરાયલની કંપનીએ તૈયાર કરેલું પાણી અને આલ્કોહોલથી ચાલતું એન્જિન મેમાનનું આ એન્જિન લગભગ બધા સલ્ફર ઓક્સાઈડ અને નાઈટ્રોજન ઓક્સાઈડના ઉત્સર્જનને સમાપ્ત કરી નાખે છે. જે પ્રદૂષણ કરવા માટે જાણીતા છે. કંપનીનો દાવો છે કે પેટ્રોલ-ડીઝલ સહિત કોઈપણ અન્ય એનર્જી સોલ્યુશનની તુલનામાં આ એન્જિનને ચલાવવાનો ખર્ચ ખૂબ ઓછો છે. આ ખાસ એન્જિનને બનાવનારી ટીમના એક એન્જિનિયરનું કહેવું છે કે મેઈન સ્ટ્રીમ કાર્સમાં આ એન્જિનને આવવામાં થોડો સમય લાગશે. તેમણે કહ્યું કે હાલમાં ઓટોમોબાઈલ ઈન્ડસ્ટ્રી ઈલેક્ટ્રિક કાર બનાવવા પર ફોકસ કરી રહી છે. એવામાં આ એન્જિન ટેકનોલોજીને સામાન્ય લોકોના ઉપયોગમાં લેવાતી કારમાં આવતા સમય લાગશે.