74705119સંજીવ ચૌધરી
નવી દિલ્હી: કોરોના વાઇરસને કારણે વૈશ્વિક અર્થતંત્રોના ટાંટિયા ધ્રૂજી ગયા છે અને સર્વત્ર ઉચાટ ફેલાયો છે ત્યારે ભારતમાં માર્ચના પ્રથમ પખવાડિયામાં પેટ્રોલ, ડીઝલ, જેટ ફ્યુઅલ અને શિપિંગ ફ્યુઅલ આ બધાની માંગ 10 ટકા ઘટી છે. આવો ઘટાડો ઘણાં વર્ષોમાં પહેલી વખત નોંધાયો છે. વાઇરસને કારણે લોકોની મૂવમેન્ટ મર્યાદિત થઈ ગઈ હોવાથી અને અર્થતંત્રની ગતિ ધીમી પડી જવાને કારણે ફ્યુઅલની માંગમાં ઘટાડો નોંધાયો છે.
દેશભરના પેટ્રોલ પમ્પ અને CNG ફિલિંગ સ્ટેશન્સમાં વેચાણ ઘટી રહ્યું છે, જે સંકેત આપે છે કે, પમ્પ પર મળતા ઈંધણના ભાવ ઘટ્યા હોવા છતાં ઈંધણના વપરાશની બાબતમાં માર્ચ મહિનો ઘણાં વર્ષોનો સૌથી ખરાબ મહિનો બની રહેશે. સેલ્સ વોલ્યુમમાં ઘટાડો થવાથી રિફાઇનિંગ કંપનીઓ અને ફ્યુઅલ રિટેલિંગ કંપનીઓની અર્નિંગ્સમાં મોટું ગાબડું પડશે. વૈશ્વિક સ્તરે ક્રૂડ ઓઇલના ભાવમાં તોતિંગ ઘટાડો થવાને કારણે આ કંપનીઓને ચાલુ ક્વાર્ટરમાં જંગી ઇન્વેન્ટરી લોસ જવાનો ખતરો તોળાઈ રહ્યો છે ત્યારે ડોમેસ્ટિક માંગમાં ઘટાડો તેમને બેવડો ફટકો આપશે.
ઇન્ડિયન ઓઇલ કોર્પ (IOC) તરફથી ઇકોનોમિક ટાઇમ્સને ઇ-મેઇલ મારફતે જણાવવામાં આવ્યું હતું કે, “કોરોના વાઇરસને કારણે તમામ પેટ્રોલિયમ પેદાશોના વેચાણ પર અસર પડી છે.
પેટ્રોલિયમ ઉદ્યોગ પર ગંભીર અસર પડી છે. માર્ચ 2020ના પ્રથમ પખવાડિયામાં તમામ લિક્વિડ ફ્યુઅલની કુલ માંગમાં 10-11 ટકાનો ઘટાડો થયો છે. લોકોની અવરજવર પર પ્રતિબંધ અને ટ્રાવેલ એડ્વાઇઝરીને કારણે ATFનું વેચાણ 10 ટકાથી પણ વધારે નીચું ગયું છે. બન્કર ફ્યુઅલનું વેચાણ પણ 10 ટકા જેટલું ઘટ્યું છે. વેચાણમાં ઘટાડાની સરખામણી 2019ના માર્ચના પ્રથમ પખવાડિયાના વેચાણ સાથે કરી છે અને ઘટાડો દર્શાવે છે કે, હવાઈ પ્રવાસ, અર્થતંત્રની ગતિવિધિ તેમજ વેપાર પર અસર પડી છે.”
ચાલુ નાણાકીય વર્ષના એપ્રિલ 2019થી ફેબ્રુઆરી 2020 સુધીના 11 મહિનામાં ભારતની કુલ ઓઇલ ડિમાન્ડ બે ટકા વધી હતી જ્યારે ડીઝલનું વેચાણ ફ્લેટ રહ્યું હતું જ્યારે પેટ્રોલનું વેચાણ 8.2 ટકા વધ્યું હતું. નેશનલ કેપિટલ રિજન (NCR)માં CNGનું વેચાણ કરતી કંપની ઇન્દ્રપ્રસ્થ ગેસના MD ઇ એસ રંગનાથને જણાવ્યું હતું કે, “દિલ્હી/NCRમાં સ્કૂલો બંધ હોવાને કારણે CNGથી દોડતી સ્કૂલ બસો બંધ પડી જવાથી NCRમાં CNGનું વેચાણ પાંચ ટકા ઘટ્યું હતું.”
HPCLના ચેરમેન એમ કે સુરાનાએ જણાવ્યું હતું કે, “પમ્પ પર થતા વેચાણ પર અસર પડી છે. લોકોએ બીજાં શહેરોમાં જ નહીં પરંતુ પોતાના શહેરની અંદર જ અવરજવર મર્યાદિત કરી દીધી છે એટલે ઈંધણની ખપત ઘટી ગઈ છે.”
ઘણી કંપનીઓ કર્મચારીઓને ઘરેથી કામ કરાવી રહી છે, જેથી રોડ પર ટ્રાફિક ઘટી ગયો છે અને ફ્યુઅલની માંગ ઘટી છે. આની સાથે સાથે જાહેર પરિવહનનો ઉપયોગ કરતા ઘણા લોકો ઓફિસે જવા માટે હવે ખાનગી વાહનનો ઉપયોગ કરવા લાગ્યા છે, જેથી ભીડથી દૂર રહીને વાઇરસના ચેપથી બચી શકાય છે, જેનાથી વેચાણમાં ઘટાડો આંશિક રીતે સરભર થયો છે.
ઘણા પમ્પ માલિકોએ વેચાણમાં 15-20 ટકા ઘટાડો નોંધ્યો છે. ઓલ ઇન્ડિયા પેટ્રોલિયમ ડીલર્સ એસોસિયેશનના પ્રેસિડન્ટ અજય બંસલે જણાવ્યું હતું કે, નવી દિલ્હીના તેમના પમ્પમાં છેલ્લા એક અઠવાડિયામાં 15ટકા વેચાણ ઘટ્યું હતું. મુંબઈમાં વરલી ખાતે રવિ ઓટો સર્વિસિસના મેનેજર કિશોર ચૌહાણ કહે છે કે, તેમના પમ્પમાં વેચાણ એક અઠવાડિયામાં 10,000 લિટરથી ઘટીને માત્ર 8,000 લિટર થઈ ગયું છે.
નવી દિલ્હી: કોરોના વાઇરસને કારણે વૈશ્વિક અર્થતંત્રોના ટાંટિયા ધ્રૂજી ગયા છે અને સર્વત્ર ઉચાટ ફેલાયો છે ત્યારે ભારતમાં માર્ચના પ્રથમ પખવાડિયામાં પેટ્રોલ, ડીઝલ, જેટ ફ્યુઅલ અને શિપિંગ ફ્યુઅલ આ બધાની માંગ 10 ટકા ઘટી છે. આવો ઘટાડો ઘણાં વર્ષોમાં પહેલી વખત નોંધાયો છે. વાઇરસને કારણે લોકોની મૂવમેન્ટ મર્યાદિત થઈ ગઈ હોવાથી અને અર્થતંત્રની ગતિ ધીમી પડી જવાને કારણે ફ્યુઅલની માંગમાં ઘટાડો નોંધાયો છે.
દેશભરના પેટ્રોલ પમ્પ અને CNG ફિલિંગ સ્ટેશન્સમાં વેચાણ ઘટી રહ્યું છે, જે સંકેત આપે છે કે, પમ્પ પર મળતા ઈંધણના ભાવ ઘટ્યા હોવા છતાં ઈંધણના વપરાશની બાબતમાં માર્ચ મહિનો ઘણાં વર્ષોનો સૌથી ખરાબ મહિનો બની રહેશે. સેલ્સ વોલ્યુમમાં ઘટાડો થવાથી રિફાઇનિંગ કંપનીઓ અને ફ્યુઅલ રિટેલિંગ કંપનીઓની અર્નિંગ્સમાં મોટું ગાબડું પડશે. વૈશ્વિક સ્તરે ક્રૂડ ઓઇલના ભાવમાં તોતિંગ ઘટાડો થવાને કારણે આ કંપનીઓને ચાલુ ક્વાર્ટરમાં જંગી ઇન્વેન્ટરી લોસ જવાનો ખતરો તોળાઈ રહ્યો છે ત્યારે ડોમેસ્ટિક માંગમાં ઘટાડો તેમને બેવડો ફટકો આપશે.
ઇન્ડિયન ઓઇલ કોર્પ (IOC) તરફથી ઇકોનોમિક ટાઇમ્સને ઇ-મેઇલ મારફતે જણાવવામાં આવ્યું હતું કે, “કોરોના વાઇરસને કારણે તમામ પેટ્રોલિયમ પેદાશોના વેચાણ પર અસર પડી છે.
પેટ્રોલિયમ ઉદ્યોગ પર ગંભીર અસર પડી છે. માર્ચ 2020ના પ્રથમ પખવાડિયામાં તમામ લિક્વિડ ફ્યુઅલની કુલ માંગમાં 10-11 ટકાનો ઘટાડો થયો છે. લોકોની અવરજવર પર પ્રતિબંધ અને ટ્રાવેલ એડ્વાઇઝરીને કારણે ATFનું વેચાણ 10 ટકાથી પણ વધારે નીચું ગયું છે. બન્કર ફ્યુઅલનું વેચાણ પણ 10 ટકા જેટલું ઘટ્યું છે. વેચાણમાં ઘટાડાની સરખામણી 2019ના માર્ચના પ્રથમ પખવાડિયાના વેચાણ સાથે કરી છે અને ઘટાડો દર્શાવે છે કે, હવાઈ પ્રવાસ, અર્થતંત્રની ગતિવિધિ તેમજ વેપાર પર અસર પડી છે.”
ચાલુ નાણાકીય વર્ષના એપ્રિલ 2019થી ફેબ્રુઆરી 2020 સુધીના 11 મહિનામાં ભારતની કુલ ઓઇલ ડિમાન્ડ બે ટકા વધી હતી જ્યારે ડીઝલનું વેચાણ ફ્લેટ રહ્યું હતું જ્યારે પેટ્રોલનું વેચાણ 8.2 ટકા વધ્યું હતું. નેશનલ કેપિટલ રિજન (NCR)માં CNGનું વેચાણ કરતી કંપની ઇન્દ્રપ્રસ્થ ગેસના MD ઇ એસ રંગનાથને જણાવ્યું હતું કે, “દિલ્હી/NCRમાં સ્કૂલો બંધ હોવાને કારણે CNGથી દોડતી સ્કૂલ બસો બંધ પડી જવાથી NCRમાં CNGનું વેચાણ પાંચ ટકા ઘટ્યું હતું.”
HPCLના ચેરમેન એમ કે સુરાનાએ જણાવ્યું હતું કે, “પમ્પ પર થતા વેચાણ પર અસર પડી છે. લોકોએ બીજાં શહેરોમાં જ નહીં પરંતુ પોતાના શહેરની અંદર જ અવરજવર મર્યાદિત કરી દીધી છે એટલે ઈંધણની ખપત ઘટી ગઈ છે.”
ઘણી કંપનીઓ કર્મચારીઓને ઘરેથી કામ કરાવી રહી છે, જેથી રોડ પર ટ્રાફિક ઘટી ગયો છે અને ફ્યુઅલની માંગ ઘટી છે. આની સાથે સાથે જાહેર પરિવહનનો ઉપયોગ કરતા ઘણા લોકો ઓફિસે જવા માટે હવે ખાનગી વાહનનો ઉપયોગ કરવા લાગ્યા છે, જેથી ભીડથી દૂર રહીને વાઇરસના ચેપથી બચી શકાય છે, જેનાથી વેચાણમાં ઘટાડો આંશિક રીતે સરભર થયો છે.
ઘણા પમ્પ માલિકોએ વેચાણમાં 15-20 ટકા ઘટાડો નોંધ્યો છે. ઓલ ઇન્ડિયા પેટ્રોલિયમ ડીલર્સ એસોસિયેશનના પ્રેસિડન્ટ અજય બંસલે જણાવ્યું હતું કે, નવી દિલ્હીના તેમના પમ્પમાં છેલ્લા એક અઠવાડિયામાં 15ટકા વેચાણ ઘટ્યું હતું. મુંબઈમાં વરલી ખાતે રવિ ઓટો સર્વિસિસના મેનેજર કિશોર ચૌહાણ કહે છે કે, તેમના પમ્પમાં વેચાણ એક અઠવાડિયામાં 10,000 લિટરથી ઘટીને માત્ર 8,000 લિટર થઈ ગયું છે.