કોરોનાનો હાહાકાર: સેન્સેક્સ 1000 પોઈન્ટ્સ ડાઉન

74687701મુંબઈ: કોરોના વાઈરસને પગલે વિશ્વભરના અર્થતંત્રોમાં મંદીની આશંકાએ બુધવારે પણ શેરબજારમાં વેચવાલીનું દબાણ જારી રહ્યું હતું. ફાઈનાન્શિયલ શેરોમાં આજે ભારે દબાણ જોવા મળ્યું હતું.

બપોરે 12.31 વાગ્યે BSE સેન્સેક્સ 1082.95 પોઈન્ટ્સ અથવા 3.54 ટકા ગગડીને 29,496.14 પોઈન્ટ્સની સપાટીએ ટ્રેડ થઈ રહ્યો હતો જ્યારે નેશનલ સ્ટોક એક્સચેજનો નિફ્ટી 314.10 પોઈન્ટ્સ અથવા 3.50 ટકા ઘટીને 8652.95 પોઈન્ટ્સની સપાટીએ ટ્રેડ થઈ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 4.01 ટકા અને 4.71 ટકા ઘટીને ટ્રેડ થઈ રહ્યા હતા.

આજે બપોરે બેન્ક, ફાઈનાન્સ કંપનીઓ, ટેલીકોમ, ઓઈલ-ગેસ, કન્ઝ્યુમર ડ્યુરેબલ્સ અને રિયલ્ટી શેરોમાં ગભરાટભરી વેચવાલી જોવા મળી હતી. આજે બપોરે તમામ સેક્ટોરલ ઈન્ડાઈસિસ રેડ ઝોનમાં ટ્રેડ થઈ રહ્યા હતા.

આજે બપોરે ઘટીને ટ્રેડ થઈ રહેલા મુખ્ય શેરોમાં ઈન્ડસઈન્ડ બેન્ક 35.69 ટકા, એક્સિસ બેન્ક 13.76 ટકા, બજાજ ફાઈનાન્સ 10.24 ટકા, કોટક મહિન્દ્રા બેન્ક 8.68 ટકાનો સમાવેશ થાય છે.

આજે બપોરે વધીને ટ્રેડ થઈ રહેલા મુખ્ય શેરોમાં ITC 0.90 ટકા, TCS 0.89 ટકા અને ઈન્ફોસિસ 0.41 ટકાનો સમાવેશ થાય છે.