સરકારે સિંગતેલમાં ભાવબાંધણું કર્યું છે, પણ તેલિયા રાજાઓની નફાખોરીના કારણે હવે અન્ય સાઇડ તેલમાં સળવળાટ શરૂ થઈ ગયો છે. ગુરુવારે સિંગતેલનો પાંચ લિટરવાળો ડબ્બો રૂ. ૨૦ વધીને રૂ. ૭૦૦ નોંધાયો હતો. કપાસિયા જૂનો અને નવો ડબો પણ રૂ. ૧૦ વધીને અનુક્રમે રૂ. ૧૧૭૦-૧૨૨૦ અને રૂ. ૧૨૭૦-૧૩૨૦ જોવાયો હતો. જોકે પામોલિન જૂના અને નવા ડબામાં રૂ. ૧૦-૧૦નો ઘટાડો હતો. તેલિયા રાજાઓ અને ગુજરાત સરકાર વચ્ચે થયેલી સમજૂતિ મુજબ ડબ્બે રૂ. ૨૧૨૫નું ભાવબાંધણું કરવામાં આવ્યું છે. આ સમજૂતિ બાદ સિંગતેલ નવા ડબાના ભાવ રૂ. ૨,૧૨૫ના સ્તરે જ અટકી ગયા છે. હવે તેલિયા રાજાઓએ કપાસિયા જેવા અન્ય સાઇડ તેલ તથા સિંગતેલ પાંચ લિટરના ડબ્બાને નિશાન બનાવ્યો છે.
પાંચ લિટર સિંગતેલનો ભાવ રૂ.20 વધીને રૂ.700 થયો
I am Gujarat 8 Jul 2016, 4:46 am