વૈશ્વિક રાહે ભારતીય શેરબજાર 400 પોઈન્ટ્સ ડાઉન

74277309બેંગલુરુ: સોમવારે વૈશ્વિક રાહે ભારતીય શેરબજારનો બેન્ચમાર્ક સેન્સેક્સ એક તબક્કે 400 પોઈન્ટ્સ અથવા 1 ટકા ઘટીને ટ્રેડ થઈ રહ્યો હતો. ચીન સિવાયના દેશોમાં પણ કોરોના ફેલાયો હોવાના અહેવાલને પગલે વૈશ્વિક બજારોમાં ગભરાટભરી વેચવાલી જોવા મળી હતી. એશિયાના અન્ય બજારોની સાથે ભારતીય શેરબજારમાં પણ નરમ શરૂઆત થઈ હતી.

ચીન બાદ ઈટલીમાં પણ કોરોનાના કેસમાં ઉછાળાથી ગભરાટ ફેલાયો હતો.

આજે બપોરે 10.10 વાગ્યે BSE સેન્સેક્સ 398.04 પોઈન્ટ્સ અથવા 0.97 ટકા ઘટીને 40,772.08 પોઈન્ટ્સની સપાટીએ ટ્રેડ થઈ રહ્યો હતો જ્યારે નેશનન સ્ટોક એક્સચેંજનો નિફ્ટી 124.10 પોઈન્ટ્સ અથવા 1.03 ટકા ગગડીને 11,956.75 પોઈન્ટ્સની સપાટીએ ટ્રેડ થઈ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 0.55 ટકા અને 0.43 ટકા ઘટીને ટ્રેડ થઈ રહ્યા હતા.

આજે બપોરે મેટલ, પાવર, ઓઈલ-ગેસ, ઓટો, કેપિટલ ગૂડ્ઝ, બેન્ક શેરોમાં ભારે વેચવાલી જોવા મળી હતી. આજે બપોરે માત્ર IT અને ટેકનો શેરોમાં જ લેવાલી જોવા મળી હતી.

આજે બપોરે ઘટીને ટ્રેડ થઈ રહેલા મુખ્ય શેરોમાં ટાટા સ્ટીલ 3.47 ટકા, ONGC 2.77 ટકા, ITC 2.36 ટકા, HDFC 2.24 ટકા, ICICI બેન્ક 2.05 ટકાનો સમાવેશ થાય છે.

આજે બપોરે વધીને ટ્રેડ થઈ રહેલા મુખ્ય શેરોમાં સન ફાર્મા 1.73 ટકા, ઈન્ફોસિસ 1.58 ટકા, ટે મહિન્દ્રા 0.87 ટકા અને SBI 0.50 ટકાનો સમાવેશ થાય છે.