ઉતાર-ચઢાવ બાદ સેન્સેક્સ 418 પોઈન્ટ્સ ઘટીને બંધ

70535122 નવી દિલ્હી: અમેરિકા-ચીન વેપાર વિવાદથી વૈશ્વિક બજારોના કડાકા અને ઘરઆંગણે કાશ્મીરનો વિશેષ દરજ્જો સમાપ્ત થતાં સોમવારે ભારતીય શેરબજાર 1 ટકાથી વધુ ઘટીને બંધ રહ્યા હતા. એક તબક્કે ભારતીય શેરબજારો પાંચ મહિનાની નીચી સપાટીની સ્પર્શી ગયા હતા પણ બાદમાં થોડા રિકવર થયા હતા. શેરબજારમાં આજે એનર્જી, પાવર, કન્ઝ્યુમર ડ્યુરેબલ્સ, બેન્ક અને મેટલ શેરોમાં ભારે વેચવાલી જોવા મળી હતી.

દિવસ દરમિયાન BSE સેન્સેક્સ ઉપરમાં 36,844.05 અને નીચામાં 36,416.79 પોઈન્ટ્સ વચ્ચે ટ્રેડ થયા બાદ 418.38 પોઈન્ટ્સ ગગડીને 36,699.84 પોઈન્ટ્સની સપાટીએ બંધ રહ્યો હતો જ્યારે નેશનલ સ્ટોક એક્સચેજનો નિફ્ટી ઉપરમાં 10,895.80 અને નીચામાં 10,782.60 પોઈન્ટ્સ વચ્ચે ટ્રેડ થયા બાદ 134.75 પોઈન્ટ્સ ગગડીને 10,862.60 પોઈન્ટ્સની સપાટીએ બંધ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 1.19 ટકા અને 1.70 ટકા ઘટીને બંધ રહ્યા હતા.

ચીનનો યુઆન અમેરિકન ડોલર સામે દાયકામાં પ્રથમવાર 7ની મનોવૈજ્ઞાનિક સપાટીથી વધુ ઘટતાં શેરબજારોમાં વેચાવલી જોવા મળી હતી. ચીનની આયાત પર ડોનાલ્ડ ટ્રમ્પે 10

ટકા ટેરિફ લાદતાં યૂઆન ગગડ્યો હતો. આ ઉપરાંત FPIsના આઉટફ્લોને કારણે પણ બજાર વધુ ગગડ્યું હતું. ચીનની આયાત પર ડોનાલ્ડ ટ્રમ્પે 10 ટકા ટેરિફ લાદતાં યૂઆન ગગડ્યો હતો.ભારતીય રૂપિયો પણ આજે ડોલર સામે 70.49ના મે મહિનાની નીચી સપાટીએ આવી ગયો હતો.

વડાપ્રધાન નરેન્દ્ર મોદીના વડપણ હેઠળની સરકારની કાશ્મીરમાં વિશેષ અધિકારનો દરજ્જો રદ કરતી દરખાસ્ત પગલે અનિશ્ચતતાની આશંકાથી બજારમાં ગભરાટભરી વેચવાલી જોવા મળી હતી.

આજે BSEમાં યસ બેન્ક 8.27 ટકા જ્યારે ટાટા મોટર્સ 5.21 ટકા, પાવરગ્રીડ 4.54 ટકા, ગ્રાસિમ 4.13 ટકા, ગેઈલ 3.88 ટકા ઘટીને બંધ રહ્યા હતા.