ફ્લિપકાર્ટના કર્મચારીઓ 80 કરોડ ડોલરના ઇસોપ્સની રોકડી કરશે

65895598 નવી દિલ્હી:વોલમાર્ટનો ટેકો ધરાવતી ફ્લિપકાર્ટ તેના કર્મચારીઓને તેમની પાસેના કંપનીના શેરહોલ્ડિંગનો હિસ્સો રોકડમાં તબદીલ કરવાની તક ઓફર કરશે, જેના માટે કંપની શેર દીઠ 126-128 ડોલરની ઓફર કરશે, તેમ સ્ટાફને મોકલવામાં આવેલા એક ઇ-મેઇલમાં જણાવાયું હતું.

આ ઇ-મેઇલમાં જણાવાયું હતું કે, પાત્રતા ધરાવતા કર્મચારીઓ તેમની પાસેના ઇસોપ્સનો હિસ્સો શેર દીઠ 126-128 ડોલરની કિંમતે રોકડમાં તબદીલ કરી શકશે. આ ઓફરથી કુલ આશરે 80 કરોડ ડોલર (આશરે ^₹5,755 કરોડ)ની રકમ કંપનીના કર્મચારીઓને મળશે.

આ વિશે સંપર્ક સાધવામાં આવ્યો ત્યારે ફ્લિપકાર્ટના પ્રવક્તાએ જણાવ્યું હતું કે, ઇસોપ્સ રિપર્ચેઝ પ્રોગ્રામ અમારા કર્મચારીઓને તેમની સેવા બદલ આભાર વ્યક્ત કરવાની કંપનીના સતત પ્રયાસોના ભાગરૂપે ઇસોપ રિપર્ચેઝ પ્રોગ્રામ છે.

પ્રવક્તાએ જણાવ્યું હતું કે, ફ્લિપકાર્ટ પાસે ન્યાયપ્રિયતાનું કલ્ચર છે અને સારી રીતે જાણે છે કે તેના કર્મચારીઓ બહુમૂલ્ય અસ્કામત છે. અમને આવા માલિક બનવાનો ગર્વ છે અને કર્મચારીઓને સંગઠનની સફળતામાં ભાગીદાર બનાવીને કર્મચારીઓને નવાજવામાં માનીએ છીએ.

પાછલા વર્ષે ડિસેમ્બરમાં ફ્લિપકાર્ટે 3,000થી વધારે કંપનીના તથા તેના અન્ય યુનિટ જેવા કે મિન્ત્રા, જબોંગ અને ફોનપેના હાલના અને ભૂતપૂર્વ કર્મચારીઓ પાસેથી 10 કરોડ ડોલરથી વધુના ઇસોપ્સની પુન:ખરીદી કરી હતી.

આ જંગી સોદામાં વોલમાર્ટે ફ્લિપકાર્ટમાં 77 ટકા હિસ્સો ખરીદી લીધો હતો જેની જાહેરાત આ વર્ષની 10 મેના રોજ કરવામાં આવી હતી. ભારતમાં હવે આગળ તહેવારોની સીઝન આવી ગઈ છે ત્યારે આ ઇ-કોમર્સ કંપની પણ નવા ગ્રાહકોને તેની સાથે જોડવા માટે કમર કસી રહી છે.
]]>