અદાણી એન્ટરપ્રાઇઝિસે પૂર્ણ માલિકીની પેટાકંપની ગેર પેલ્મા રચી

નવી દિલ્હી: અદાણી એન્ટરપ્રાઇઝિસે બુધવારે જણાવ્યું હતું કે તેણે તેની પૂર્ણ માલિકીની પેટાકંપની ગેર પેલ્મા ૩ કોલિયરીઝ લિમિટેડની સ્થાપના કરી છે.

તેના આ એકમની સત્તાવાર અને ભરપાઈ થયેલી શેરમૂડી દસ લાખ રૂપિયા છે અને તેણે હજી સુધી કામગીરી શરૂ કરી નથી. કંપનીએ 18 જુલાઈના રોજ તેની પૂર્ણ માલિકીની પેટાકંપની સ્થાપી છે, તેનું નામ ગેર પેલ્મા 3 કોલિયરીઝ લિમિટેડ છે, એમ અદાણી એન્ટરપ્રાઇઝિસે બીએસઇને જણાવ્યું હતું.

તેણે જણાવ્યું હતું કે છત્તીસગઢ સ્ટેટ પાવર જનરેશન કંપની લિમિટેડ (સીએસપીજીસીએલ)એ તેને 24 જૂન 2017ના રોજ કોલ બ્લોક ફાળવણીનો પત્ર આપ્યો છે, કંપની તેમાં સફળ બિડર તરીકે ઊભરી આવી હતી.

ટેન્ડર મુજબ કોલ માઇનિંગ રિઝર્વ કરાર પર એલઓએ જારી કરાયાના 60 દિવસમાં સહી કરવી જરૂરી છે અને અદાણી એમડીઓ તરીકે કામ કરવા 100 ટકા પોતાની માલિકીની સ્પેશિયલ પર્પઝ વ્હિકલ (એસપીવી) રચી શકે અને સીએમએસએના સીએસપીજીસીએલ સાથે કરાર કરી શકે અને આ એસપીવી 30 દિવસની અંદર રચાઈ જાય. ]]>