અમદાવાદ: યુવાવર્ગ દ્વારા હવે ઈન્શ્યોરન્સ કંપની પાસેથી સીધી જ ઓનલાઈન પોલિસી ખરીદવાનો ટ્રેન્ડ વધી રહ્યો છે. 23-34 વર્ષના યુવાવર્ગ દ્વારા ટર્મ ઈન્શ્યોરન્સ પોલિસી પણ ઓનલાઈન જ ખરીદવામાં આવી રહી છે. એજિઓન લાઈફના સીએફઓ અને ચીફ ડિસ્ટ્રિબ્યૂશન ઓફિસર અહેમદ ઝકરિયાએ જણાવ્યું હતું કે, 25-34 વર્ષના વયજૂથ દ્વારા લેવાતી 10માંથી છ પોલિસી ઓનલાઈન ખરીદાય છે. આ જ વાતને ધ્યાનમાં રાખીને તેમની કંપની દ્વારા iTerm ઈન્શ્યોરન્સ પ્લાન શરુ કરવામાં આવ્યા છે, જેના કેટલાક યુનિક બેનિફિટ પણ છે. જેમાં મંથલી ઈનકમ બેનિફિટ તેમજ સ્મોકિંગ છોડવા પર ઈન્સેન્ટિવનો પણ સમાવેશ થાય છે. ડ્યૂલ પ્રોટેક્ટ, લાઈફ પ્રોટેક્ટ અને પ્રોટેક્ટ પ્લસ એવા ત્રણ પ્લાન ઓપ્શનમાંથી કોઈપણ પ્લાન પસંદ કરી શકાય છે, જેમાં 100 વર્ષની ઉંમર સુધી ફાઈનાન્શિયલ પ્રોટેક્શનની સુનિશ્ચિતતા મળે છે.