એરટેલના બીજા ક્વાર્ટરના ચોખ્ખા નફામાં 77%નો ઘટાડો

નવી દિલ્હી:ભારતી એરટેલનો બીજા ક્વાર્ટરનો ચોખ્ખો નફો અપેક્ષા કરતાં ઓછો પરંતુ વાર્ષિક ધોરણે 77 ટકા ઘટ્યો છે. આમ તેણે સળંગ છઠ્ઠા ક્વાર્ટરમાં નફામાં ઘટાડો નોંધાવ્યો છે. રિલાયન્સ જીઓ ઇન્ફોકોમ દ્વારા વોઇસ અને ડેટા બિઝનેસ માટે ઓફર કરવામાં આવેલા તળિયાના ભાવના લીધે તેના નફામાં આટલો ઘટાડો નોંધાવ્યો છે.

એરટેલના ભારત અને સાઉથ એશિયાના મેનેજિંગ ડિરેક્ટર અને સીઇઓ ગોપાલ વિટ્ટલે જણાવ્યું હતું કે આ પરિણામ ઉદ્યોગ કેવા પ્રકારની નાણાકીય પરિસ્થિતિમાંથી પસાર થઈ રહ્યો છે તે દર્શાવે છે. ઉદ્યોગ પર પાંચ લાખ કરોડ રૂપિયાનો ઋણબોજ છે અને ભાવયુદ્ધના લીધે આવક અને નફા બંને મોરચા પર દબાણ છે. તેણે જણાવ્યું હતું કે ઇન્ટરકનેક્ટ યુસેજ ચાર્જિસ (આઇયુસી)માં તાજેતરમાં 57 ટકાનો ઘટાડો કરવામાં આવતાં ઓક્ટોબરથી ડિસેમ્બરનું ક્વાર્ટર વધારે ખરાબ નીવડી શકે.

દેશની સૌથી મોટી ટેલિકોમ કંપની 28.2 કરોડથી વધારે મોબાઇલ ગ્રાહકો ધરાવે છે. બીજા નંબરે આવતી વોડાફોન ઇન્ડિયા અને ત્રીજા નંબરે આવતી આઇડિયા દેશના કુલ યુઝર બેઝનો 60 ટકાથી વધારે હિસ્સો ધરાવે છે અને તેમના નેટવર્ક પર વધુ ને વધુ કોલ ટર્મિનેટ થવાનો અર્થ ચોખ્ખી આવકમાં ઘટાડો થાય છે. આઇયુસીને 14 પૈસાથી ઘટાડી 6 પૈસા કરવામાં આવતાં તેમની ચોખ્ખી આવકમાં ઘટાડો થયો છે. આઇયુસીનો ઘટાડો પહેલી ઓક્ટોબરથી અમલી બન્યો છે.

સિંગટેલની 36 ટકા માલિકીવાળી એરટેલનો નફો ગયા વર્ષના સમાન સમયગાળાના ₹1,461 કરોડથી ઘટીને ₹343 કરોડ થયો છે. ઇટીના એનાલિસ્ટોના પોલમાં એરટેલનો ચોખ્ખો નફો ₹305.64 કરોડ રહેવાનો અંદાજ હતો.

કંપનીનો એપ્રિલથી જૂનના ક્વાર્ટરનો નફો ₹367 કરોડ હતો. વાસ્તવમાં ભારતમાં અપવાદરૂપ આઇટમ્સ પહેલાંનો ચોખ્ખો નફો ₹121.4 કરોડ હતો, જે એરટેલની આફ્રિકા કામગીરીમાં ₹306.7 કરોડ હતો. આફ્રિકામાં કંપનીને 4.8 કરોડ ડોલરનો નફો થયો છે, જેની સામે તેને ગયા વર્ષે 9.1 કરોડ ડોલરની ખોટ હતી, આ નફાએ તેને ડેટા કસ્ટમર્સ અને વપરાશમાં વૃદ્ધિ અને ખર્ચ અંકુશના પગલાએ તેને આમાં મદદ કરી હતી.

]]>