શું તમે સહકર્મીઓને પરેશાન કરી રહ્યાં છો?

1. માંદગી સાથે કામે આવવું પોતાની આસપાસ એક માંદી વ્યક્તિ હોય તો દરેકને બેચેની થાય છે. તમે કદાચ એવું માનતા હશો કે તમે શરદી હોવા છતાં કામ કરીને પોતાની સમર્પિતતા દર્શાવી રહ્યાં છો, પણ તમારા સહકર્મીઓ કદાચ તમને પીડિત ગણશે અને તમને પરત મોકલી દેશે. વધુમાં તમે આખી ઓફિસ સમક્ષ તમારી માંદગીનો ચેપ લાગવાનું જોખમ પણ સર્જી રહ્યાં છો. જો તમે માંદગીના લક્ષણો ધરાવતા હોવ તો ઘરે રહેવું જ ઉત્તમ છે.

2. મોટા અવાજે વાત કરવી ઘણી વખત તમે મોટે મોટેથી વાત કરીને તમારા સહકર્મીઓને સંતાપ આપી શકતા હોઇ શકો છે. આ પ્રકારના લોકોની યાદીમાં મોટે મોટેથી બચકારાં બોલાવીને ખાનારા લોકોથી લઇને પોતાના ડેસ્ક પર મોટા અવાજે કોલ પર વાત કરનારા લોકો કે યુટ્યૂબ નિહાળનારા સુધીના લોકો સામેલ હોઇ શકે છે. તમારા ઇઅરફોનમાં ખુબ મોટા અવાજે વાગતું સંગીત તમારા પડોશીઓને ખિન્ન કરી શકે છે. કામ વખતે ખુબ અવાજ કરવાથી તમારા સહકર્મીઓ માટે મુશ્કેલી સર્જાઈ શકે છે, આથી તમારી આદતોની સમીક્ષા કરો.

3. ડેસ્ક પર શારીરિક સાફસફાઈ કરવી જો તમે પોતાના ડેસ્ક પર પોતાના નખ કાપો છો તો તમારાથી વધુ પીડાદાયક સહકર્મી બીજો કોઇ નથી. ઘણા લોકો પોતાના ડેસ્ક પર મોટો અવાજ થાય એવી રીતે નાક સાફ કરનારા સહકર્મી વિશે પણ ફરિયાદ કરતા હોય છે. જો તમને પોતાના નખ કાપવા કે નાક સાફ કરવું જ પડે તેમ હોય તો એ કામ તમે સહકર્મીઓથી આઘે જઈને બાથરૂમમાં પણ કરી શકો છો.

4. દુર્ગંધ પ્રસરાવવી ઘણા લોકો ખરાબ દુર્ગંધને પણ ઘોંઘાટની જેવું જ એક દૂષણ ગણે છે. આ દૂષણ માછલી જેવા દુર્ગંધ પ્રસરાવે એવા ખોરાકના સ્વરૂપમાં પણ હોઇ શકે છે. ઘણા લોકોને પરફ્યુમ પણ પજવે છે. ઘણા લોકો સુગંધના લીધે માથાનો દુઃખાવો થતો હોવાની અને તેના લીધે તેઓ કામ પર ફોકસ નહીં કરી શકતા હોવાની ફરિયાદ કરતા હોય છે.

5. પોતાના વિશે બકબક કરવી લોકો સાથે અમુક હદ સુધી હળવુંમળવું એ સારી વાત છે અને તે ઓફિસને એક ચડિયાતી જગ્યા બનાવી શકે છે. જ્યારે કોઇ સહકર્મી કામ પર ધ્યાન આપવાનો પ્રયાસ કરી રહ્યો હોય ત્યારે વિકએન્ડ પાર્ટી, સારા ડોગ સિટર માટેની તમારી ખોજ અથવા તમારા મિત્રના મનપસંદ ફૂટબોલ લીગ અંગેના તમારા લાંબા લાંબા એકતરફી ભાષણો અન્ય વ્યક્તિ માટે કંટાળાજનક તથા ખલેલજનક બની શકે છે. ઓફિસમાં કોફી બ્રેક વખતે સહકર્મીઓ સાથેની તમારી આ પ્રકારની વાતચીતને મર્યાદિત રાખવાનો પ્રયાસ કરો. કોઇ માણસ કામ કરી રહ્યો હોવાનું તમને લાગે તો આવી બકબક કરતા પૂર્વે બે વખત વિચારજો.