નવી દિલ્હીઃ જો બેંકમાં તમારું એકાઉન્ટ હશે અને ઇમેલ આઇડી અપડેટ હશે તો ઘણીવાર તમને બેંકની જુદી જુદી ઓફર્સના મેલ આવતા હશે અથવા બીજી પણ ઘણી પ્રાઇવેટ લોન આપનાર કંપનીઓના મેલ આવતા હશે. તેવામાં જો તમને પર્સનલ લોનની જરુર હોય અને બેંકનો આ પ્રકારનો પર્સનલ લોન ઓફર કરતો મેલ આવ્યો હોય તો તેમ આ મેલનો ખૂબ સારો ઉપયોગ કરી શકો છો. અમારા ન્યૂઝ Whatsapp પર મેળવવા અહીં ક્લિક કરો
મેઇલ વાંચી તરત હા ન પાડી દો, માગી શકો છો વધુ છૂટ
જો તમારો ક્રેડિટ સ્કોર સારો હોય અને તમને પર્સનલ લોનની જરુરત હોય તો તમે બેંક પાસેથી પ્રોસેસિંગ ફી અને વ્યાજ પર બાર્ગેનિંગ કરી શકો છો. ઘણીવાર બેંક ખૂબ સારા ક્રેડિટ સ્કોર ધરાવતા કસ્ટમરની પ્રોસેસિંગ ફી માફ કરે છે તેટલું જ નહીં ગ્રાહકને વ્યાજમાં પણ ફાયદો કરાવી આપે છે. જોકે બેંકથી પર્સનલ લોનની ઓફર મળે કે તરત જ હા ન પાડી દો પરંતુ પહેલા તેમની આ ઓફરની ડિટેઇલમાં માહિતી લો.
બસ, આ બાબત તમારો સ્કોર હોવો જોઈએ હાઈ
જો તમારી પાસે બેંકથી પર્સનલ લોનની ઓફરનો મેલ કે મેસેજ આવ્યો હોય તો પહેલા બેંકમાં જઈને મળો અને આ ઓફર અંગે જાણકારી મેળવો. તેમજ આ ઓફર અંતર્ગત કેટલી પ્રોસેસિંગ ફી આપવી પડશે કે નહીં આપવી પડે. તેમજ આ લોન માટે તમારે ક્યા ક્યા દસ્તાવેજ આપવા પડશે. સામાન્ય રીતે આ ઓફર બે પ્રકારે હોય છે એક જેમાં તમારે પ્રોસેસિંગ ફી આપવી પડે છે અને જરુરી દસ્તાવેજ પણ આપવા પડે છે. જ્યારે બીજી પ્રકારની ઓફર તમારા એકાઉન્ટ સાથે જ અટેચ્ડ હોય છે. જેથી કંઈ જ આપવાની જરુરત પડતી નથી.
કેટલું વ્યાજ આપવું પડશે
પર્સનલ લોનની ઓફર મળતા જ તમારે બેંક કર્મચારી પાસેથી એ સ્પષ્ટતા કરવી જોઈએ કે આ ઓફરમાં તમને કેટલો વ્યાજ દર આપવામાં આવી રહ્યો છે. સામાન્ય રીતે બેંક 12 ટકાથી 36 ટકા વ્યાજે પર્સનલ લોન આપતી હોય છે. આ વ્યાજ દર ઘણીવાર તમારી સેલેરી અથવા આવકના સ્ત્રોત તેમજ કંપનીની પ્રોફાઇલ પર પણ નિર્ભર કરે છે. આ ઉપરાંત તમે વ્યાજ દર પર બાર્ગેનિંગ પણ કરી શકો છો. જો તમારી ક્રેડિટ હિસ્ટ્રી અને ક્રેડિટ સ્કોર સારો છે તો બેંક તમને ઓછા વ્યાજે પણ લોન આપવા તૈયાર થઈ જશે.
પ્રીપેમેન્ટમાં કોઈ પેનલ્ટી તો નથીને
જો તમને ફાસ્ટ પર્સનલ લોનની ઓફર આપાવામાં આવે છે તો ખાસ ચેક કરો કે તમારી લોનની પ્રીપેમેન્ટ અથવા પ્રી ક્લોઝર શરતો શું છે. તેમજ એ પણ ક્લિયર કરી લેવું જોઈએ કે જો તમે 2 લાખ જેટલી રકમની પર્સનલ લોન લો છો તો તમને મંથળી EMI કેટલો આવશે અને તેના કારણે તમારા ભવિષ્યના આર્થિક આયોજન અંગે પણ તમને ખબર પડશે. તેમજ તમે પણ ચોક્કસ થશો કે દર મહિને આ હપ્તો સહેલાઇથી ચૂકવી શકશો કે નહીં.
જો પહેલાથી પર્સનલ લોન ચાલતી હોય તો…
જો કોઈ બેંકમાં તમારી પર્સનલ લોન પહેલાથી જ શરુ હોય અને તેમાંથી તમારે બીજી પર્સનલ લોન લેવી હોય તો બેંક કર્મચારી પાસે ક્લિયર કરાવી લેવું જોઈએ કે જો હું નવી પર્સનલ લોન લઉં તો પહેલાથી ચાલું પર્સનલ લોનનું શું થશે. સામાન્ય રીતે બેંક જૂના એકાઉન્ટ પર જ તમને નવી લોન આપે છે અને તમારી સુવિધા અનુસાર EMI નક્કી કરી આપે છે. તેમજ જૂનું લોન એકાઉન્ટ ટોપઅપ કરાવવાથી વ્યાજ દર પણ ઓછો થઈ જાય છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.