ભારતનું રેટિંગ સુધરતા બેન્ક શેર્સમાં 6% સુધીનો ઉછાળો

નવી દિલ્હી: મૂડીઝે ભારતનું સોવેરિયન રેટિંગ સુધારીને ‘Baa2’સ્ટેબલ કરતાં શુક્રવારે બેન્ક શેરોમાં ભારે કરંટ જોવા મળ્યો હતો.

શુક્રવારે બપોરે BSE પર PNB 6 ટકા, બેન્ક ઓફ બરોડા 5.17 ટકા, યસ બેન્ક 4.16 ટકા, SBI 3.91 ટકા, ICICI બેન્ક 3.55 ટકા વધીને ટ્રેડ થઈ રહ્યા હતા.

આજે એક્સિસ બેન્કના શેર 2.64 ટકા અને HDFC બેન્કના શેર પણ 1.18 ટકા વધીને ટ્રેડ થઈ રહ્યા હતા. આજે બપોરે BSE બેન્કેક્સ 1.90 ટકા વધી 29,450.39ની સપાટીએ ટ્રેડ થઈ રહ્યો હતો.

બપોરે 1.30 વાગ્યે BSE સેન્સેક્સ 331.72 પોઈન્ટ વધીને 33,438.54 પોઈન્ટની સપાટીએ ટ્રેડ થઈ રહ્યો હતો. રેટિંગ સુધરતા દેશના અર્થતંત્ર સુધારાના સંકેત સાથે બજારમાં પોઝિટિવ વલણ જોવા મળ્યું હતું.

સોવેરિયન રેટિંગ દેશના ઈન્વેસ્ટમેન્ટ ક્લાઈમેટનું બેરોમીટર ગણાય છે. આ રેટિંગ રોકાણકારોને જે-તે દેશમાં રોકાણમાં રહેલા જોખમો અંગે માહિતગાર કરે છે. મૂડીઝે 13 વર્ષ બાદ ભારતના રેટિંગમાં સુધારો કર્યો છે.

]]>