KYC ઉપરાંત ઘણા પ્રકારે થાય છે ફ્રોડ
KYC સંબંધી ફ્રોડ ઉપરાંત ગ્રાહકોએ અન્ય પ્રકારે થતા ફ્રોડથી પણ સાવચેત રહેવું જોઈએ, જેમકે EMI અને UPI સંબંધી ફ્રોડ. કોટક મહિન્દ્રા બેંકમં પ્રોડક્ટ્સ, ઓલ્ટરનેટ ચેનલ્સ તેમજ કસ્ટમર એક્સપીરિયન્સ ડિલિવરીના પ્રેસિડન્ટ પુનીત કપૂરે કહ્યું કે, 'આજે ગ્રાહકો પાસે ઓનલાઈન બેન્કિંગ માટે ઘણા ટૂલ્સ ઉપલબ્ધ છે, જેના દ્વારા તેઓ ઘરેબેઠા સરળતાથી તેમજ સુરક્ષત રીતે અલગ-અલગ પ્રકારની લેવડ-દેવડ કરી શકે છે. પરંતુ, તે સાથે જ સાઈબર ગુનેગારોનું ઓનલાઈન ફ્રોડ પણ વધી ગયું છે. અમે ઈચ્છીએ છીએ કે અમારા ગ્રાહક સતર્કતાથી નજર રાખે અને કેટલાક પાયાની સાવચેતીઓ રાખે, જેથી તે સુરક્ષિત રહીને બેન્કિંગ કરી શકે.'
પિન, કાર્ડ ડીટેલ્સ, CRN જેવી જાણકારી શેર ન કરો
પોતાના CRN, પાસવડ, કાર્ડની માહિતી, CVC, ઓટીપી, એટીએમ પિન, યુપીઆઈ પિન, મોબાઈલ બેન્કિંગ પિન જેવી સંવેદનશીલ જાણકારીઓ કોઈને ન આપો. માત્ર વિશ્વાસપાત્ર સ્ત્રોતોથી આવેલી લિંક પર જ ક્લિક કરો. જો, તમને કોઈ અજાણી વ્યક્તિ તરફથી કોઈ ઈમેલ કે ટેક્સ્ટ મેસેજ આવે, જેમાં કોઈ શંકાસ્પદ લિંક પર તમને ક્લિક કરવા કહેવાયું હોય તો સાવચેત થઈ જજો અને એ મેસેજને ડિલીટ કરી દો. કોઈ ધમકી પર પ્રતિક્રિયા ન આપો. લોટરી લગાવા જેવા મેસેજથી લલચાશો નહીં. બેંક ક્યારેય આવા મેસેજ નથી મોકલતી.
સ્ક્રીન શેરિગ ક્યારેય ન કરો
તમારા મનમાં શંકાના અવલોકનને એ રીતે વિકસિત કરો કે જ ઈમેલ આઈડી તમે પહેલા ક્યારેય જોયું ન હોય તેને ઓળખી શકાય. સ્ક્રીન શેરિંગ એપ્સ જેવી કે, એનીડેસ્ક, ટીમવ્યૂવર વગેરેને ડાઉનલોડ કરવાથી બચો, કેમકે તેના દ્વારા છેતરપિંડી કરનારા તમારા ગેજેટ્સ પર કાબુ મેળવી લે છે અને તમારી ગુપ્ત જાણકારી ચોરી લઈને તમારી જાણ બહાર તમારા બેકના ખાતા અને રૂપિયા સુધી પહોંચી જાય છે.
SMS સુવિધા એક્ટિવ કરો
યુપીઆઈથી રૂપિયા મેળવવા માટે ક્યુઆર કોડ સ્કેન કરવાની કે પિન/ઓટીપી એન્ટર કરવાની જરૂર નથી પડતી. બેન્કિંગ ટ્રાન્જેક્શન પર તાત્કાલીક અપડેટ મેળવવા માટે તમારી SMS અને ઈમેલ સુવિધાને એક્ટિવેટ કરો. ટ્રાન્જેક્શન સંબંધી મેસેજિસ અને પોપ-અપને ઝીણવટથી તપાસો.
બેંકમાં અપડેટેડ કોન્ટેક્ટ ડીટેલ્સ રાખો
તમારી કોન્ટેક્ટ ડીટેલ્સને બેંકમાં અપડેટ રાખો. બેંક સાથે સંપર્ક માટેની જાણકારી માટે હંમેશા બેંકની સત્તાવાર વેબસાઈટની જ વિઝિટ કરો. એ જ રીતે, જ્યારે પણ ઈ-કોમર્સ કે કોઈ સર્વિસ પ્રોવાઈડરના નંબર ઓનલાઈન શોધતા હો તો સતર્ક રહો, કંપનીની સત્તાવાર વેબસાઈટ પર જઈને નંબર પ્રાપ્ત કરો.
નિયમિત રીતે સોફ્ટવેર અપડેટ કરો
તમારા લેપટોપ/મોબાઈલ મેન્યુફેક્ચરર દ્વારા નિયમિત રીતે સોફ્ટવેર અપડેટ આપવામાં આવે છે, તેને અપડેટ જરૂર કરો, જેથી તમારું ગેજેટ સુરક્ષિત રહે. તે ઉપરાંત તમારી સિસ્ટમમાં એક સારું એન્ટીવાયરસ સોફ્ટવેર ઈન્સ્ટોલ કરો જેથી છેતરપિંડીથી બચી શકાય.