ઘર ખરીદવું છે તો આ છે બેસ્ટ સમય, પ્રોપર્ટીના ભાવ ઘટ્યા અને લોન થઈ છે સસ્તી

આ દિવસોમાં જો તમે કોઈ ઘર અથવા પ્રોપર્ટી ખરીદવાની પ્લાન બનાવી રહ્યા છો તો આ સમય તેના માટે યોગ્ય રહેશે. કેમ કે, કોરોનાના કારણે જુલાઈ-સપ્ટેમ્બર ક્વાર્ટરમાં દેશમાં મકાનોના વેચાણમાં 46 ટકાનો ઘટાડો થયો છે. તેનાથી પ્રોપર્ટીની કિંમતોમાં પણ ઘટાડો આવ્યો છે. તે ઉપરાંત અત્યારે હોમ લોનના વ્યાજ દર 7 ટકાથી નીચે છે. આવી સ્થિતિમાં હોમ લોન પર ઓછું વ્યાજ ચૂકવવું પડશે. અમે એવા 5 કરાણો જણાવી રહ્યા છીએ જેના કારણે આ સમયે ઘર ખરીદવું તમારા માટે યોગ્ય રહેશે.

હોમ લોનના વ્યાજ દર સૌથી ઓછા

પ્રથમ વખત હોમ લોનના વ્યાજ દર 7 ટકાથી નીચે છે. તે ઉપરાંત બેંકોની ક્રેડિટ ગ્રોથ ઘટવાને કારણે ઘણી બેંક ગ્રાહકોને આકર્ષક ઓફર પણ આપી રહી છે. ઘણી બેંકોએ હોમ લોન પર પ્રોસેસિંગ ફી પણ નાબૂદ કરી દીધી છે. આવી સ્થિતિમાં હોમ લોન લેવાનો આ યોગ્ય સમય છે.

કોરોનાકાળમાં પ્રોપર્ટીની કિંમતમાં ઘટાડો થયો

કોરોના મહામારીના કારણે હાઉસિંગ પ્રોપર્ટીના વેચાણમાં ભારે ઘટાડો જોવા મળ્યો છે. પ્રોપર્ટી કન્સલ્ટન્ટ એનારોકના રિપોર્ટના જણાવ્યા પ્રમાણે, કોરોના મહામારીના કારણે હાઉસિંગ પ્રોપર્ટીની માગમાં ઘટાડો આવ્યો છે. તેથી આ સમયે તમને નીચા ભાવે યોગ્ય પ્રોપર્ટી મળી શકે છે.

પ્રોપર્ટી રજિસ્ટ્રેશનમાં છૂટ મળી રહી છે

કોરોનાકાળના કારણે લોકો નવી પ્રોપર્ટી ખરીદવાનું ટાળી રહ્યા છે. તેને ઘણા રાજ્યોએ રજિસ્ટ્રેશન ફીમાં બે થી ત્રણ ટકા સુધીના ડિસ્કાઉન્ટની જાહેરાત કરી છે જેથી પ્રોપર્ટીના વ્યવસાયને વેગ મળી શકે. તેના કારણે પ્રોપર્ટીની ફાઈનલ કોસ્ટમાં પણ ઘટાડો આવ્યો છે.

સબસિડી મળી રહી છે

જો તમે પહેલી વખત ઘર લઈ રહ્યા છો તો પ્રધાનમંત્રી આવાસ યોજના અંતર્ગત સરકાર હોમ લોનના વ્યાજ પર 2.67 લાખ રૂપિયાની સબસિડી આપે છે. જો તમે સસ્તુ મકાન ખરીદવાનું વિચારી રહ્યા છો, તો આ યોજના દ્વારા તમે તમારા આ અધૂરા કામને પૂરું કરી શકો છો. તેના માટે 31 માર્ચ 2021થી અરજી કરી શકાશે.

આકર્ષક ઓફર મળી રહી છે

હાઉસિંગ પ્રોપર્ટીના વેચાણમાં ભારે ઘટાડાના કારણે ડેવલપર્સ પણ લોકોને ઘણા પ્રકારની આકર્ષક ઓફર આપી રહ્યા છે. તેના કારણે તમને ડિસ્કાઉન્ટ પણ મળી શકે છે. જે તમારા ખિસ્સા અને ઘર માટે યોગ્ય રહેશે.