નવી દિલ્હી: મોબાઈલ ફોન આમ તો મનોરંજનનું સાધન છે, પરંતુ જો થોડું દિમાગ લગાવો તો મનોરંજન સાથે કેશ પ્રાઈઝ પણ મળી શકે છે. આવી જ એક ગેમ છે બ્રેઈનબાઝી. જે રમીને થોડાક સરળ સવાલોનો જવાબ આપી કોઈપણ કેશ પ્રાઈઝ જીતી શકે છે. સામાન્ય જ્ઞાનના સવાલ-જવાબથી યૂઝર્સને ઈનામ જીતાડતા ભારતના અગ્રણી એપ બેઝ્ડ ક્વિઝ શો ‘બ્રેઈનબાઝી’ને પહેલો લખપતિ વિજેતા મળી ગયો છે. કરણ કુમાર કોલીએ પૂછાયેલા બધા સવાલોના સાચા જવાબ આપી 1 લાખ રૂપિયાનું ઈનામ જીતી લીધું છે. ‘બ્રેઈનબાઝી’ એક લાઈવ વીડિયો ક્વિઝ શો છે, જેમાં 11 સવાલોના સાચા જવાબ આપનારા સ્પર્ધકોમાં ઈનામની રકમ સરખા ભાગે વહેંચવામાં આવે છે. મંગળવારે 194 યૂઝર્સે તમામ 11 સવાલોના સાચા જવાબ આપ્યા અને તેમની વચ્ચે 1 લાખ રૂપિયાની રકમ વહેંચવામાં આવી. જોકે, હંમેશાની જેમ અહીં શો પૂરો ન થયો. મોબાઈલ એપે 1 લાખ રૂપિયાની વધારાની પ્રાઈઝ મની સાથે તમામ વિજેતાઓ માટે એક નવું ફોર્મેટ રજૂ કર્યું છે. જે અંતર્ગત સવાલ ત્યાં સુધી પૂછવામાં આવે છે, જ્યાં સુધી એકને છોડીને બાકીને યૂઝર્સ બહાર ન થઈ જાય કે પછી બચેલા બધા યૂઝર્સ છેલ્લા સવાલનો જવાબ ખોટો ન આપે. આ રીતે 1 લાખ રૂપિયાની રકમ બધા સવાલોનો સાચો જવાબ આપનારા વ્યક્તિ અથવા છેલ્લાને છોડીને બાકીને સવાલોનો સાચો જવાબ આપનારાઓની વચ્ચે વહેંચી દેવામાં આવે છે. મંગળવારે ગેમ 2,63,492 સ્પર્ધકોની સાથે શરૂ થઈ અને ‘angelpriya69’ યૂઝરનેમ વાળા કરને 1 લાખ રૂપિયાની પ્રાઈઝ મની સુધી પહોંચવા માટે 26 સવાલોનો સફળતાપૂર્વક સામનો કર્યો. રસપ્રદ એ છે કે, એલિમિનેટ થવા છતાં 1,57,829 યૂઝર્સ કરણની જીત જોવા માટે છેલ્લા પ્રશ્ન સુધી ટકી રહ્યા. રાજસ્થાનના કોટાનો રહેવાસી કરણ, આઈઆઈટી દિલ્હીમાં ઈલેક્ટ્રિકલ એન્જિનિયરિંગના ચોથા વર્ષનો વિદ્યાર્થી છે. તે છેલ્લા 2 મહિનાથી બ્રેઈનબાઝી રમી રહ્યો છે. આ જીતથી ખુશ કરણે કહ્યું કે, ‘બ્રેઈનબાઝી ક્વિઝનો ભાગ બનવું અને લખપતિ બનવું મારા માટે અવિશ્વનિય અનુભવ હતો. હારીને પણ જીતનારાને angelpriya69 કહેવાય છે.’ કરણને પોતાની જીતની ઉજવણી ‘બાજીગર’ કહેવાતા બધા ખેલાડીઓ સામે ઉજવવાની પણ તક મળી અને તેણે 23મી મેએ બ્રેઈનબાઝીમાં પહેલો સવાલ પણ પૂછ્યો. દેશની સૌથી મોટી ડિજિટલ પ્રોડક્ટ્સ પૂરી પાડતી કંપની ટાઈમ્સ ઈન્ટરનેટે બ્રેઈનબાઝીને ફેબ્રુઆરી 2018માં લોન્ચ કરી હતી. હવે તે ગૂગલ પ્લે સ્ટોર અને એપલ એપ સ્ટોર પર સામાન્ય જ્ઞાન પર લાઈવ સવાલ-જવાબ બાદ ઈનામ આપતી અગ્રણી એપ બની ચૂકી છે.