BSE સેન્સેક્સમાં 1628 પોઈન્ટ્સનો હાઈજમ્પ

74730327મુંબઈ: કોરોનાની આર્થિક અસરો સામે સ્ટિમ્યુલસ પેકેજની આશાએ વૈશ્વિક રાહે શુક્રવારે BSE સેન્સેક્સ 1628 પોઈન્ટ્સ વધીને બંધ રહ્યો હતો. ઓઈલ-ગેસ, IT અને ટેકનો શેર્સની આગેવાનીમાં ઈન્ટ્રા ડેમાં સેન્સેક્સ 2,000 પોઈન્ટ્સ ઉછળ્યો હતો.

શુક્રવારે ઓઈલ-ગેસ, IT અને ટેકનો ઉપરાંત FMCG, મેટલ, એનર્જી, ફાર્મા શેરોમાં ધૂમ લેવાલી જોવા મળી હતી. આજે તમામ સેક્ટોરલ ઈન્ડાઈસિસ ગ્રીન ઝોનમાં બંધ રહ્યા હતા.

દિવસ દરમિયાન BSE સેન્સેક્સ ઉપરમાં 30,418.20 અને નીચામાં 27,932.67 પોઈન્ટ્સની રેન્જમાં ટ્રેડ થયા બાદ 1627.73 પોઈન્ટ્સ અથવા 5.75 ટકાના ઉછાળા સાથે 29,915.96 પોઈન્ટ્સની સપાટીએ બંધ રહ્યો હતો જ્યારે નેશનલ સ્ટોક એક્સચેંજનો નિફ્ટી પણ ઉપરમાં 8,883.00 અને નીચામાં 8,178.20 પોઈન્ટ્સ વચ્ચે અથડાયા બાદ 486.25 પોઈન્ટ્સ અથવા 5.88 ટકાના ઉછાળા સાથે 8,749.70 પોઈન્ટ્સની સપાટીએ બંધ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 4.18 ટકા અને 4.03 ટકા વધીને બંધ રહ્યા હતા.

આજે વધીને બંધ રહેલા મુખ્ય શેરોમાં ONGC 18.58 ટકા, અલ્ટ્રાકેમ્કો 13.01 ટકા, હિન્દુસ્તાન યૂનિલિવર 11.75 ટકા, રિલાયન્સ ઈન્ડ. 11.24 ટકા, TCS 9.90 ટકા, ટાટા સ્ટીલ 9.60 ટકા, એશિયન પેઈન્ટ્સ 8.86 ટકા અને ITC 8.40 ટકાનો સમાવેશ થાય છે.

આજે ઘટીને બંધ રહેલા મુખ્ય શેરોમાં HDFC બેન્ક 1.39 ટકા, ઈન્ડસઈન્ડ બેન્ક 0.88 ટકાનો સમાવેશ થાય છે.