BSE સેન્સેક્સમાં 2713 પોઈન્ટ્સનું ગાબડું

74652741મુંબઈ: કોરોના મહામારીના ભયથી સોમવારે વૈશ્વિક રાહે સાર્વત્રિક વેચવાલીથી BSE સેન્સેક્સ 2713 પોઈન્ટ્સ ઘટીને બંધ રહ્યો હતો.

આજે દિવસ દરમિયાન BSE સેન્સેક્સ ઉપરમાં 33,103.24 અને નીચામાં 31,276.30 પોઈન્ટ્સની રેન્જમાં અથડાયા બાદ 2713.41 પોઈન્ટ્સ અથવા 7.96 ટકાના ઘટાડા સાથે 31,390.07 પોઈન્ટ્સની સપાટીએ બંધ રહ્યો હતો જ્યારે નેશનલ સ્ટોક એક્સચેંજનો નિફ્ટી પણ ઉપરમાં 9,602.20 અને નીચામાં 9,165.10 પોઈન્ટ્સની રેન્જમાં ટ્રેડ થયા બાદ 756.10 પોઈન્ટ્સ અથવા 7.60 ટકા ગગડીને 9199.10 પોઈન્ટ્સની સપાટીએ બંધ રહ્યો હતો.

BSE મિડકેપ અને BSE સ્મોલકેપ ઈન્ડેક્સ અનુક્રમે 5.94 ટકા અને 5.66 ટકા ઘટીને બંધ રહ્યા હતા.

આજે રિયલ્ટી, કન્ઝ્યુમર ડ્યુરેબલ્સ, મેટલ, ફાઈનાન્સ, બેન્ક, પાવર, ઓટો અને ઓઈલ-ગેસ શેરોમાં વેચવાલીનું ઘોડાપૂર જોવા મળ્યું હતું. આજે સવારે તમામ સેક્ટોરલ ઈન્ડાઈસિસ રેડ ઝોનમાં બંધ રહ્યા હતા.

આજે ઘટીને બંધ રહેલા મુખ્ય શેરોમાં ઈન્ડસઈન્ડ બેન્ક 17.50 ટકા, ટાટા સ્ટીલ 11.02 ટકા, HDFC 10.94 ટકા, ICICI બેન્ક 9.96 ટકા, ITC 9.28 ટકા, ઈન્ફોસિસ 9.24 ટકા, ONGC 8.73 ટકા, LT 7.99 ટકાનો સમાવેશ થાય છે.