ચાલુ ખાતાની ખાધ ત્રણ ગણી વધીને $48.7b થઈ

મુંબઈ:ઊંચી વેપારી ખાધને કારણે નાણાકીય વર્ષ 2017-’18માં દેશની ચાલુ ખાતાની ખાધ (વિદેશી હૂંડિયામણની આવક અને જાવક વચ્ચેનો તફાવત) ત્રણ ગણી અથવા દેશની જીડીપીના 1.9 ટકા વધીને 48.7 અબજ ડોલર થઈ હતી એમ આરબીઆઇએ આજે જણાવ્યું હતું.

માર્ચ ક્વાર્ટરમાં ચાલુ ખાતાની ખાધ 2.6 અબજ ડોલરથી અનેક ગણી વધીને 13 અબજ ડોલર અથવા જીડીપીના 1.9 ટકા થઈ હતી. ડિસેમ્બર ક્વાર્ટરમાં ખાધ 2.1 ટકા હતી. ચાલુ ખાતાની ખાધ દેશ માટે મહત્ત્વનો માપદંડ છે કારણ કે તે વિદેશી હૂંડિયામણના સંદર્ભમાં દેશની આર્થિક સ્થિતિની મજબૂતાઈ દર્શાવે છે અને કરન્સી માર્કેટ્સ પર પણ તેની અસર દેખાય છે.

2013માં વિક્રમ ચાલુ ખાતાની ખાધ (જે જીડીપીના પાંચ ટકાને પાર કરી ગઈ હતી.)ને કારણે રૂપિયા પર ભારે અસર પડી હતી. સમગ્ર રાજકોષીય વર્ષ દરમિયાન વેપારખાધ 112.4 અબજ ડોલરથી વધીને 160 અબજ ડોલર થઈ હતી એમ રિઝર્વ બેન્કે જણાવ્યું હતું. સર્વિસમાંથી આવક 68.3 અબજ ડોલરથી વધીને 77.6 અબજ ડોલર થઈ હતી. ગ્રોસ એફડીઆઇ નજીવું વધીને 61 અબજ ડોલર થયું હતું. 64581706
]]>